HSD’yî vengda ciwananê çar hetanê Kurdîstan û Kurdîstanijanê Ewropa ker tewrê xoverdayîşê rûmetî bibê.
Merkezê Resnayîşî yê Hêzanê Sûrîya Demokratîke (HSD) bi eşkerayîyêk vengda ciwananê heme hetanê Kurdîstan û Kurdîstanijanê Ewropa ke sînoran hewanê û tewrê xoverdayîşî bibê.
Eşkerayî de wina ame vatene: “6ê çeleyî ra herêmê ma û şarê ma rasterast rastê hêrişanê hov û barbaran yeno. Hemverê nê hêrişan şervanê ma bi cesaret û fedakarîyêka girde şer kenê û bi hewayêko birûmet şerê xo domnenê.
Dewleta tirkan û çeteyê aye yê bi zîhnîyetê DAIŞ’î bi xeyala ke eşkenê îradeyê ma bişiknê û xoverdayîşê ma binfînê, hêrişanê xo vera şarê ma vêşî kenê.
Ma bi qerardarî û îradeyêko gird vanê ke senî ke embazê ma serra 2014î de Kobanî de xoverdayîşêko tarîxî kerd û Kobanî kerd goristanê DAIŞ’î ke dewleta tirkan piştgirî dayêne ci, ewro zî bi eyn îradeyê ma dîyar kenê ke ma do şaristananê xo Dêrik ra heta Hesekê û Kobanî bikerê goristanêk seba wayîrê zîhnîyetê DAIŞ’î yo newe ke hetê dewleta tirkan ra yeno rayraberdene.
Nê esasî ser o ma vengdanê heme ciwananê xo, kênek û xurtanê xo yê Rojava, Vakur, Başûr û Rojhelatê Kurdîstanî û kurdê Ewropayî ke bibê yew û sînoranê îşxalkeran hewanê û bêrê tewrê xoverdayîşî bibê.
Ewro roja rûmetî ya
Ewro roja berpirsîyarîya tarîxî ya
Û ewro ma reyna mojnenê ke îradeyê şaran her tewir hêriş û îşxalkerî ra hêzdarêr o.”
