Fermandarê Giştî yê HSDê Mazlum Ebdî piştî ji Şamê vegeriya wêneyek çek di destê de hate belavkirin û peyama berxwedanê da raya giştî ya Kurdistanê û dijminên ku êrişan dibin ser Rojavayê Kurdistanê.
Fermandarê Giştî yê HSDê Mazlum Ebdî duh bi boneya hevdîtina li gel bi Serokê HTŞê Ahmet Şara re çû Şamê. Li gorî agahiyên ji çavkaniyên Rojava hatin girtin; Şara hewl daye daxwazên Tirkiye li Rêveberiya Xweser ferz bike. Çavkaniyan got ku Şara xwestiye Rêveberiya Xweser xwe bi temamî belav bike û hemû saziyan radestî çeteyên Şamê bike.
Ji Ebdî bersiva ‘ez diçim çek hildigirim’ da Şara
Çavkaniyên herêmî anîn ziman ku piştî Fermandar Ebdî gihiştiye Rojavayê Kurdistanê çeka xwe ya M16 girtiye destê xwe û wêne kişandiye. Çavkaniyan got ku ev wêne belav kir û bi vê yekê peyamên xwe dan sê aliyan û ev tişt gotin: “Peyama sereke ji raya giştî ya Kurdistanê re bû. Ebdî berî biçe Şamê gotibû, ’emê heta dawiyê mafên xwe biparêzin’. Çû Şamê û bi Şara re axivî. Ebdî xwest ku hemû mafên gelê Kurd ên li Rojava bên qebûl kirin. Bi girtina wê çekê peyama, ‘bi diyalogê mafên me qebûl nekirin, dora çekê ye’ da. Her wiha biryarbûna xwe ya berxwedanê ragihand.”
Peyama ‘şer li benda we ye’ da dijminan
Li gorî çavkaniyê peyama duyemîn jî da dijminên Kurdistanê ku niha êriş dikin. Ebdî bi ragihandina wêneyê ji hemû dijminan re got ku dibe derfetên me zêde bin lê hun dê her tim li hemberî xwe berxwedanê bibînin. Çavkaniyan anî ziman ku peyama sêyemîn jî ji bo hêzên navdewletî yên li ser Kurdistanê lîstikan dilîzin bû. Ebdî bi vê wêneyê ji wan re jî got ku îradeya gelê Kurd teslîm nayê girtin.
