Konfederasyona Rêxistinên Civaka Demokratîk û Tevgera Civaka Demokratîk a Bakur û Rojhilatê Sûriyeyê bi daxuyaniyekê ji bo piştevaniya Rojava banga çalakiyên kirin.
Konfederasyona Rêxistinên Civaka Demokratîk û Tevgera Civaka Demokratîk a Bakur û Rojhilatê Sûriyeyê daxuyandin ku pêwendî bi seferberiya giştî heye û ji bo piştevaniya berxwedana Rojavayê banga çalakiyan kirin.
Di daxuyaniyê de ev tişt hatin gotin: “Gelê Kurd ku duh DAIŞ têk bir, îro roj xwe li cihekî dibîne ku divê parastina hebûna xwe bike, ji ber ku rastî pêngaveke plankirî tê ku xak, mirov û vîna wî ya azad armanc digire.”
Saxtebûna siyaseta navneteweyî
Daxuyanî bal kişand ser girîngiya çalakiyên piştevaniyê û wiha dom kir: “Em seferberiya giştî radigihînin û em tevlêbûna vê seferberiyê wek erkeke exlaqî, mirovî û siyasî dibînin. Her wiha em tekez dikin ku hemû rêyên tevgera aştiyane rewa û vekirî ne, her wekî meş, xwenîşandan û daxuyanî ji bo aşkerakirina sextebûna siyasetên navdewletî.”
Şirîkên sûc
Di dawiya daxuyaniyê de bang li kes û saziyên hiqûqê yên navneteweyî hat kirin û ev tişt hatin gotin: “Bêdengiya cîhanê îro roj ne bêalîbûn e, lê ev bêdengî şirîkatiya di vî sûcî û vê tawanbariyê ye.”
