Vengdayîşê Platformê Sazgehanê Demokratîk ser o 7 ra heta 70, bi hezaran kesî seba piştgîrîya xoverdayîşê Rojava rayîrşîyayîş viraşt.
Vengdayîşê Platformê Sazgehanê Demokratîk ser o vera hêrişanê çeteyanê HTŞ û SMO’yî yê vera herêma Rayberîya Xoser a Rojava, qezaya Wêranşarî ya Riha de rayîrşîyayîş ame viraştene. Endam û temsîlkarê partîyanê sîyasî û sazgehanê demokratîk û 7 ra heta 70 bi hezaran welatijî tewrê rayîrşîyayîşî bîyê. Girseyî rayîrê Amedî yê qezaya Wêranşarî ser o kom bîyê heta cadeyê Olakî rayra şîyê. Çalakî de pankartê “Xwedî derketina Rojava xwedî derketina mirovahiyê ye” û “Rojava Xeta me ya Sor e” ame akerdene.
Bi hezaran kesan rayîrşîyayîş de sloganê “Bijî berxwedana Rojava”, “Şehîd namirin”, “Bijî berxwedana HSDê”, “Jin Jiyan Azadî”, “Rojava Rojhilat e Kurdistan yek welat e”, “Bijî Serok Apo” û “Rojava rûmeta me ye” vatê. Sewbîna girseyî dowîzê fermandar, şervan û cangorîyanê HSD, YPG û YPJ’yî berz kerdê. Eşkerayî seba cangorîyanî ke xoverdayîşê Rojava de cuya xo vîndî kerda, deqîqeyêk rêzgirewtişî reyde ameye destpêkerdene. Parlementer û rayberê DEM Partî tewrê çalakî bîyê û qiseykerdişan de ame vatene Rojava xeta ma ya sûr a û hemverê hêrişan reaksîyon ame mojnayene.
