Serekê Komîteyê Awusturya yê Hîrakerdişê NATO’yî yê Balkananî dîyar kerd ke bawerîya ey bi serekê demkî yê Sûrîye Şarayî nêyena û seba kurdanê Sûrîye xoserîye wazeno.
Serekê Komîteyê Awusturya yê Hîrakerdişê NATO’yî yê Balkanan Gunther Fehlinger-Jahnî derheqê hêrişanê çeteyanê DAIŞ’î yê vera kurdan û herra înan a pîroze Rojavayê Kurdîstanî û nîyeto rastîn ê Şara û zîhnîyetê çeteyanê binê fermanê ey de, hesabê xo yê X’î de mesajêk pare kerd. Mesajî de vat ke Ehmed Şara Serekê Sûrîye û DAIŞ’î yo û mumkin nîyo ke merdim ey ra bawer bikero.
Gunther Fehlinger-Jahnî dîyar kerd ke hêrişê hovane yê çeteyanê hukmatê demkî yê Şamî bi pêşengîya Şara yê Serekê Sûrîye û DAIŞ’î yenê kerdene, tehlukeyanê girdan vejeno orte û wina vat: “Bawerîya mi bi Ehmed Şarayî nêyena, seba ke hetêkî ra teklîfê heqanê kurdan keno û heto bînî ra zî înan qetil keno.”
Gunther Fehlinger-Jahnî peynîya mesajê xo de da zanayene ke Sûrîyeyêka federal a aştîyane çin a, nika Sûrîye de seba kurdanê elewî nêmenda, nê semedî ra zî o seba kurdanê Rojava û Sûrîye xoserîye wazeno.”
