Senatorê Amerîkayî Josh Gottheimer hukmatê Şamî seba hêrişê serê kurdan û nepawitişê hepisxaneyanê ke DAIŞijî tede manenê îqaz kerd.
Senator Josh Gottheimer hukmatê demkî ya Sûrîyeyî îkaz kerd ke ey hêrişanê serê kurdan û temsîlîyetanê bînan qebûl nêkenê û verva nê hêrişan bêveng nêmanenê. Josh Gottheimer nepawitişê hepisxaneyanê ke DAIŞijî tede girewteyê û hêrişê verva kurdan sey binpaykerdişê sozanê seba wedartişê cezayê Qeysere pênasê kerd.
Senator Josh Gottheimer ke endamê Komîteyê Îstîxbarat û Xizmetanê Malî ya senatoyî serê hesabê xo yê X’î vat ke hukmatê demkî yê Sûrîyeyî şenikkerdişê cezayanê Amerîkanî şaş şîrove nêkero. Josh Gottheimerî Şam îqaz kerd û wina vat: “Her hewldayîşê veradayena girewteyanê DAIŞ’î û ewleyîya hevalbendê ma yê Kurdî, an zî serê ewleyîya temsîlîyetanê etnîkî yê bînan binpaykerdenê wedartişê cezayê qanûnê Qeysere yê.”
Senatorê Amerîkayî Josh Gottheimer dîyar kerd ke Şam ganî bilez averşîyayîşê xo vindarno, eke hêrişî dewam bikerê do ey zaf cezayan ro hukmatê demkî yê Şamî bivarnê.
