Ame dîyarkerdene ke Heyetê Kurdî yê Rojava şino Şam ke Hukmatê Demkî reyde dayîşûgirewtişan bikero.
Badê peymana ke 29ê çele de mabênê HSD û Hukmatê Demkî yê Sûrîya de ameybî îmzakerdene û 30ê çeleyî de raya pêroyî reyde ameybî eşkerakerdene, cehdê sîyasî zêde benê. Teberê dayîşûgirewtişî de seba caardişê peymane, partîyê kurdan mîyanê cehdan de yê.
Goreyê agahîyanê ke çimeyanê partîyan ra ameyê girewtene, heyetê kurdî yê ke Konferansê Yewrêzî û Yewhelwîstî yê Kurdî yê Rojavayê Kurdîstanî de (26ê nîsane 2025î de şaristanê Qamişlo de amebi viraştene) ameybî dîyarkerdene, do şêro Şam.
Seba şîyayîşê heyetî tarîx nêameyo dîyarkerdene la ame vatene ke do demêko kilm de şêrê.
Çimeyan dîyar kerd ke do Şam de hukmatê demkî reyde pawitişê heqan, domdarîya înan ê qanûnê bingeyînî de, demokratîkbîyayîşê Sûrîye û azadîyan ser o pêvînayîşî bêrê kerdene.
