Herêma Gelîyê Dirî û dewanê Geverî de operasyonê eskerî dest pêkerd.
Dewanê Gelîyê Dirî yê Geverî (Yuksekova) ya Colemêrgî de şan ra operasyonê eskerî dest pêkerd. Ame vatene ke dewanê Soryan, Bilindbasan û Birdikî de ware û çêregehan de operasyon dewam keno. Ame qeydkerdiş ke zozanê Navşîyanî de hereketêko zaf est o. Herême de serê sibayî ra hereketê helikopteran est bî. Wesayîtê zirhînî zî erdî ra ameyî şawitene.
Ame îfadekerdiş ke dewê ke tede operasyonê eskerî dewam keno, seba ke şar nêşêro teber vernî ameya girewtene.
Heto bîn ra ame qeydkerdiş ke cayê Masîro û Dirîşke yê Herême û dewanê Elbakî (Başkale) yê Wanî de zî hereketêk esto.
