Delegeyanê cinî yê Abya Yala û Kurdîstanî konferanso ke tarîxanê 11–15 sibate de viraşt, ronayîşê torra xoverdayîşê globalî îlan kerd. Cinîyan vera şer, qirkerdişê patrîyarkayî qerarê têkoşînê hemparî girewt.
Konferansê “Ma do Vile Bidê Çunke Şer Nêeşkeno Kokanê Ma Çin Bikero” ke hetê torra “Cinîyî Ameyoxî Mûnenê” ra tarîxanê 11–15 sibate de paytextê Kolombîya Bogota de ame viraştene, bi deklerasyonêk qedîya.
Cinîyan ronayîşê torra xoverdayîşê globalî îlan kerd. Konferanso ke Haiti, Kolombiya, Ekvador, Meksika, Wallmapu, Qullasuyo marka, Şili û Kurdîstanî ra bi seyan cinîyî tewrê ci bîyî, qerarê têkoşînê hemparî yê vera şer, qirkerdiş, kapîtalîzm û patrîyarkayî ame girewtene.
Deklerasyon de bi taybetî bale ancîyaye pêkewtişanê Kolombîya, Fîlîstîn û Rojava ser o û semedê roja çalakîyan a cinîyan a globale vengdayîş ame kerdene.
Deklarasyono de ke bi sloganê “Jin, Jiyan, Azadî” ame weşanayene, ame vatene ke do xeta têkoşînê rêxistinkerdeyî yê wextê dergî bêra kerdene.
