Şaredariya Bajêrê Mezin a Amedê ji bo 8ê Adarê li gelek xaçerêyan alên pirzimanî û xumrî yên 8ê Adarê daliqandin.
Li Amedê çalakiyên bi rasthatina 8ê Adarê Roja Jinan a Cîhanê berdewam dikin. Her roj bi pêşengtiya jinan li gelek tax û navçeyan çalakî û şahî tên lidarxistin. Şaredariya Bajêrê Mezin a Amedê jî bi boneya 8ê Adarê li gelek xaçerêyan li navenda bajêr alên pirzimanî û xumrî yên pîrozbahiya 8ê Adarê daliqandin. Van alên xumrî ku 8ê Adarê li ser nivîsandî balê dikişînin ser xwe û xaçerê bi rengê xumrî xemilandin e. Li ser alan bi zaravayên Kurmancî û Kirmanckî û Tirkî “Bijî 8ê Adarê” hatine nivîsandin.
