Rêxistina CASENE têkildarî dûrketina hinek medyayên Kurdî ji prensîbên pîşeyî daxuyaniyek ya çapemeniyê lidar xist û got; “Ev cureyê weşana ku tê kirin dewamkirina gotara şerê navxweyî ya ku bi amrazên nû yên ragihandinê ye”
Rêxistina CASENE yA Azadiya Raman û Çapemeniyê îro êvarê li Kargeha Çandê ya Silêmaniyê, têkildarî dûrketina hinek medyayên Kurdî ji prensîbên bingehîn yên pîşeya rojnamevaniyê di vê rewşa heyî de, civîneke çapemeniyê lidar xist.
Serokê Rêxistina CASENE Şiwan Mihemed got: “Di demekê de ku Rojhilata Navîn û Herêma Kurdistanê di rewşek dijwar a şer re derbas dibin, Rêxistina CASENE ji axaftin û weşana hinek dezgehên medyayê di ragihandina bûyeran de pir fikaran çêdike. Li şûna ku prensîbên xebata medyayê bişopînin, ew bêberpirsiyar nêz bûne û bûne platformek ji bo têkdana aştiya civakî. Reftara van kanalan ji bilî bikaranîna bûyerên siyasî ji bo berjewendiyên partî û armancên taybet tiştek din nîne.”
Şiwan Mihemed di dewamê de wiha got; “Ev cûrê nûçe û weşanê dirêjkirina gotinên gurkirina şerê navxweyî bi amrazên nû ye ku bandorên wê yên neyînî hîn jî li ser laşê Kurd xuya dibin.”
Serokê Rêxistina CASENE di dawiyê de banga berpirsyar nêzbûnê li dezgehên peywendîdar kir û wiha got; “Em bang li hemû kanalên ku bi vî rengî dixebitin dikin ku weşana xwe ya bi vî rengî rawestînin. Di berdêla vê de, CASENE dê neçar bimîne ku navên van kanalan ji navendên navnetewî û herêmî re biweşîne.”
