Amed – Bûkanî ango gulbûk bi rengê xwe yê xweşik dibin xemla nava zeviyan. Derûdora xwe bi rengê sor xweşik dikin û mirovan li ber xweşikiya xwe sermest dikin. Bûkanî jî mîna gulan meha Gulanê dixemilînin.
Gul û kulîlkên welatê me sor bûne li nav zeviyên nîskan. Zeviyên cotkaran bi bûkanî ango gulbûkan sor bûn e. Li gundê ber Çemê Ambarê yê li Amedê li nav zeviyên nîskan bûkaniyên sor û kulîlkên xerdelê yên zer ku bişkivîne zevî rengê kesk, sor û zer xemilandin e.
Ev kulîlk û rengên biharê merivan matmayî û sermest dikin. Rengên bedew xweşikiya xwezayê û erdnîgariya Kurdistanê nîşan didin.
Emrê bûkaniyan gelek kin e. Her sal di destpêka meha gulanê de bûkanî li nav erdên beyar û zeviyên nîskan şîn dibin. Bejna bûkaniyan li ser bejna nîskan dikeve û rengê wan şemal û xemlê dide derdorê.
Pelên bûkaniyan piştî diweşin, hişk dibin û xatir ji demsalê dixwazin. Her wiha şîrê bûkaniyan jî heye û dema meriv li destê xwe dixe, mîna hineyê sor dike.
Hin wêneyê ketin ber objektîfa me wiha ne:
