Dayikên Botanê ku li avahiya DEM Partî ya navçeya Cizîrê kom bûn û li benda merasîma PKKê ya Silemaniyê rawestiyan, anîn ziman ku ew ji bo merasime bi kelecan in û gotin ku edî divê dewlet jî gavên şenber biavêj e.
Partiya Karkerên Kurdistan (PKK) ji bo bersivê bide banga Rêberê Gelê Kurd Abdullah Ocalan li Sîlemaniyê bi komeke gerîla ya Koma Civaka Demokratîk dê bi merasîmekê çêken xwe dişewitîne. Li çar aliyên Kurdistanê û derveyî welet jî gelek kes wê beşdarî merasîme bibin. Li Bakurê Kurdistanê jî merasîma PKKê bi girseyî li gelek bajaran tê temaşe kirin. Yek jî ji van bajaran Şirnexê ye. Gelek kesên ku di navde malbatên gerîllayên PKKê û rêveberên MEBYA-DER, Dayikên Astiyê û gelek kes li avahiyaavahiya DEM Partî ya navçeyan Şirnexê kom bûn bi kelecaneke mezin li benda temaşekirina merasîma PKKê ya Silemaniyê ne.
Dayikên ku ji malbat û xizmên xwe di şer de windakirinê ne jî li avahiyê kom bûn. Dayikan anî ziman ku ew ji bo merasîma çek şewitandinê gelek kelecanin û xwestin piştî merasîma PKKê dewlet jî gavên şenber baveje.
‘Bila bibe wesîleya aştiyeke mayinde’
Dayika bi navê Hatice Durmuş destnîşan kir ku ew ji ber temaşekirina merasîma çekşewitandina komeke gerîlayên PKKê kom bûnê û wiha got: “Em dixwazin ew bibe wesileya aştî û azadiyê. Divê niha şun ve dewlet jî gavan baveje. Em jî pir bi kelecan in. Edî bes bila xwîn nerijê. Aştiyeke mayinde pêk were. Wek dayik edî em naxwazin şer bibe. Em azadiya serokê xwe jî dixwazin.”
Dayika bi navê Hizniye Arslan jî anî ziman ku piştî daxuyaniya Rêberê Gelê Kurd Abdullah Ocalan kelecana wan qet sist nebû ye û niha jî dîsa bi kelecaneke mezin ew li benda merasime ne. Hizniye Arslan bi lêv kir ku tenê daxwaza wan aştiyeyê û got: “Em dixwazin ew xwîn bisekinin. Ez dayika 2 şehîdan im. Tevî ew qas êş jî dibêjim aştî û edî bila tu dayik negrin. Edî bila aştî pêk were û em aramî bijîn.”
Dayika bi navê Şerîn Demîr jî diyar kir ku ew piştgiriya pêvajoyê dikin û wiha got: “Bîr û baweriya me ji Serokê me heye. Em pir kêfxweş in ji bo pêvajoya aştiyê. Em hevî dikin Serokê me û hemû girtiyên siyasî jî bên berdan. Em naxwazin edî hestirên dayikan birijin. Me pir êş kişand. Em îro jî ji bo merasîma PKKê li vir kom bû ne. Em pir bi kelecan in.”
