Li ser vekişîna Hêzên Sûriya Demokratîk (HSD) ya ji Reqa û Dêrazorê çeteyên HTŞê yên bi piştgiriya Tirkiyê êrişî Rojava dikin. Hat zanîn ku hin çeteyên DAIŞê yên li girtîgehên Reqa û Dêrezorê hatine berdan. Tê armankirin ku hemû çeteyên DAIŞê yên li Reqa û Dêrazorê bên berdan.
Li Sûriyê piştî êrişên piralî yên li dijî Rêveberiya Xweser a Bakur û Rojhilatê Sûriyê pêşketinên xeternak çêdibin. HTŞ û Tirkiye ku gelek caran soza têkoşîna li dijî DAIŞê dan raya giştî ya navneteweyî û Hevpeymana Naveneteweyî kê piştî vekişîna HSDê ya ji Reqa û Dêrazorê hemû çeteyên DAIŞê yên di girtîgehan de hatin berdan.
Çeteyên DAIŞê beşdarî êrişan kirin
Çeteyên HTŞê û Tirkiyê piştî ketin nav bajarê Reqayêr wekî gava yekemîn deriyên girtîgehan vedikin û hewl tê dayîn çeteyên DAIŞê berdin nav civakê. Li gorî agahiyên ji çavkaniyên herêmî hatine wergirtin; gelek çeteyên DAIŞê yên li Girtîgeha Reqa û girtîgehên cuda yên li Dêrezorê hatine berdan. Li gorî agahiyan; Tirkiye û HTŞ, çek dane destê van çeteyan û demildest tev li êrişên li dijî HSDê kirin e.
Tirkiye beriya êrişan bi HTŞê û DAIŞê re civîn li dar xist
Çavkaniyên herêmî anîn ziman ku îstîxbarata Tirkiyeyê berî êrişên li ser Dêr Hafirê dest pê bike, li Palmîrayê çeteyên HTŞ û DAIŞê anîne gel hev û plansaziya êrişan kiriye. Li gorî çavkanî, Tirkiye serkêşên çeteyên DAIŞê ji herêmê cuda yên Sûriyeyê veguhistine Palmîrayê û tev li civînê kirine.
Amerîkayê serçeteyeke ku diçû civînê kuşt
Çavkaniyan ragihand ku ji van serçeteyan yek jî Bilal Hasan bûye ku dema ji gundewarên Helebê ber bi Palmirayê ve hatiye şandin ji hêla Amerikayê ve hate kuştin. Çavkaniyan anî ziman ku ev yek nîşan dide ku agahiya Amerîkayê bi vê civîna komên çeteyan a bi destê Tirkiyê li dijî Rêveberiya Xweser tê organîzekirin heye.
CENTCOMê jî di 16ê Çile de ragihand ku bi boneya çalakiya di 13ê Kanûnê de li dijî leşkerên Amerîkayê li Palmîrayê pêk hatibû, organîze kiriye û bûye sedema mirina leşkerên amerîkî. Lewma Amerîkayê, Bîlal Hasan el-Casîm kuştiye.
Berdana girtiyên DAÎŞê bû sedema fikaran
Piştî êrişkarên çeteyên HTŞê, hin girtiyên DAIŞê yên li girtîgehên Reqa û derdorên Dêrazorê hatine berdan û gelek derdor ji ber vê yekê ketine nav fikaran. Li Kampa Holê hejmareke zêde girtiyên DAIŞê hene. Êrişên li ser Kampa Holê jî her ku diçe zêde dibin. Li gorî nûçeya ANHAyê; çeteyên HTŞê îro dîsa êriş birine ser girtîgeha DAIŞ lê tên ragirtin û hewl tê dayîn hemû girtiyên DAIŞê bên berdan.
Cîgirê Wezîrê Koç û Kaçberan yê Iraqê Ebdulemîr Şemerî diyar kir ku ew dê bi awayekî lezgîn girtiyên Kampa Holê yên welatiyên Iraqê ne derxin û bibin Kampa Musilê.
