Ciwanên taxa Xaçortê ya Wanê li dijî tayînkirina qeyûman heta derengê şevê çalakî li dar xistin û bi polîsan re şer kirin. Di dîmenên hatin kişandin de tê xuyakirin ku ciwanan kolanên taxa Xaçortê kirine qada cengê.
Li Wanê ciwan û şêniyên Taxa Xaçortê ya Wanê li dijî desteserkirina Şaredariya Bajarê Mezin a Wanê heta derengê şevê çalakî li dar xistin. Ciwanên taxê li gelek kolanên Xaçortê derketin qadan û agir pêxistin. Ciwanan bi fîşekên hewayî kolanên taxê ronî kirin. Polîsên ku bi TOMA û maşîneyên zirxî hatin taxê û xwestin êrîşî ciwanan bikin, ciwanan bi fîşekên hewayî bersîv da polîsan. Dîmenên ku ji taxa Xaçortê hatin kişandin, nîşan dide ku ciwanan kolanên taxê kirine qada cengê.
40 kes hatin girtin
Piştî tayînkirina qeyûm bi sedan kes hatibûn binçavkirin. Di 18ê Sibatê de jî ji kesên hatin binçavkirin 5 jê zarok 18 kes hatin girtin. Heta hina bi giştî hejmara kesên li Wanê hatin girtin gihişt 40 kesan.
