Amed – Ciwanên Welatparêz ji bo piştgiriya berxwedana li Taxên Şêxmeqsûd û Eşrefiyeyê bi sûrên Amedê ve pankarta “Rojava xeta sor e” daliqandin.
Çeteyên girêdayî Hikûmeta Demkî ya Sûriyeyê û Tirkiyeyê, ji 6ê Çileyê ve êrişên dijwar dibin ser taxên Şêxmeqsûd, Eşrefiye û Benî Zêdê yên Helebê û jin û zarok di nav de gelek sivîl qetil kirin. Gelek sazî, dezgeh û partiyên siyasî têkildarî êrişan daxuyanî dan û meş li dar xistin. Gelê Kurd jî li çar aliyê Kurdistanê û gelek welatên cîhanê li ser pêyan e.
‘Kesên ji bo Rojava bêdeng dimînin muşrîk in’
Ciwanên Welatparêz ji bo piştgiriya berxwedana li Taxên Şêxmeqsûd, Eşrefiye û Benî Zêdê yên Helebê îro di saetên serê sibê de pankarta “Rojava xeta sor e” sûrên Amedê ve daliqandin û dirûşma “Rojava Rojhilat e Kurdistan yek welat e” berz kirin. Ciwanan li Taxa Cevatpaşa ya navçey Sûrê jî li ser dîwar nivîsa “Kesên ji bo Filistînê digirîn û ji bo Rojava bêdeng dimînin muşrîk in” nivîsandin.
