Li Amed, Stasbûrg û Marsîlyayê bi boneya 15ê Sibatê roja salvegera komploya navneteweyî şermezar bikin, bi deh hezaran kes dimeşin û bi pankart û dirûşmeyên xwe azadiya fizîkî ya Rêberê PKKê Abdullah Ocalan tînin ziman.
Amed
Meşa “Aştî û azadiyê” ya ku bi pêşengtiya DBP, DEM Partî û TJA’yê li Amedê tê lidarxistin, dest pê kir. Li Amedê bi pêşengtiya Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî) û Tevgera Jinên Azad (TJA) “Meşa Aştî û Azadiyê” tê lidarxistin. Nûnerên rêxistinên civaka sivîl ên bajar û gelek welatî tev li meşê bûn. Girseya ku li Qada Şêx Seîd hate gel hev, ber bi Birca Keçikê ve dimeşe.
Strasbûrg
Ji bo şermezarkirina komploya Navneteweyî ya 15ê Sibatê ya li dijî Rêberê PKKê Abdullah Ocalan Kurdistanî û dostên wan li bajarê Strasbourg ê Fransayê kom bûn û meşiyan. Di meşê de pankarta ‘Ji Rêber Apo re azadî, ji pirsgirêka Kurd re çareserî’ vekirin. Çalakvanên meşa dirêj pêşengiyê ji gel re dikin. Her wiha li pêşiya kortejê posterê mezin ê Rêberê PKKê Abdullah Ocalan hilgirtine.
Marsîlya
Meşa Dirêj a li Başûrê Fransayê, li Marsîlyayê bi tevlîbûna bi hezaran kesan didome. Ji bajarên mîna Draguignan, Montpellier, Avignon û Marignane tevlîbûneke zêde ji meşê re çêbû. Meş bi tevlîbûna nêzî 200 kesan li ber Şaredariya Marignane destpê kir. Çalakvanan pankart û flama hildan û bê navber dirûşmeya “Ji Rêber Apo re azadî” berz kirin. Coş û biryardariya beşdaran bal kişand û meşvan di dawiyê de gihiştin herêma La Viste ya Marsîlyayê.
