Konseya Ewlehiyê ya NYê li ser rewşa Sûriyê civiya û bang li aliyên Sûriyeyê hat kirin ku li gorî agirbestê tevbigerin, sivîlan biparêzin û bi awayekî cidî beşdarî diyaloga siyasî bibin.
Konseya Ewlehiyê ya Neteweyên Yekbûyî (NY) bi rojeva Sûriyeyê civînek li dar xist. Cîgirê Sekreterê giştî yê NYê Xalid Xiyarî li ser encamên civînê axivî û diyar kir ku rewşa li ser erdê hîna jî aloz e. Xiyarî anî ziman ku li hin beşên Hesekê û derdora Kobanê êriş û pevçûn berdewam in û di encamê de bi deh hezaran kes koçber bûne û kuştî û birîndar hene.
‘Rewşek gelek aloz heye’
Xiyarî diyar kir ku divê agirbesta 18ê Çile hatiye ragihandin pêk were û tevlêbûneke cidî ji bo pêkanîna lihevkirinên dawîn ên di navbera hikumeta demkî ya Sûriyeyê û HSDê de çêbe. Xiyarî îşaret pê kir ku pirsgirêkên mirovî yên mezin hene û bang li hemû aliyan kir ku sivîlan û binesaziyê biparêzin, rê bidin ku alîkarî bêyî astengî derbas bibin.”
Rûsya: Divê binpêkirin bên rawestandin
Xiyarî anî ziman ku di civînê de ji ber hebûna çekdarên biyanî li Sûriyeyê hişyarî hatiye kirin û wiha axivî: “Her wiha girîngiya birêxistinkirin û radestkirina navendên ragirtina çeteyên DAIŞê hat vegotin.
Nûnerê Rûsyayê anî ziman ku divê binpêkirin werin rawestandin û diyalog pêk werin. Nûnerê DYAyê piştgiriya xwe bi hewldanên têkoşîna li dijî terorê û entegrasyona Bakur û Rojhhilatê Sûriyeyê nîşan da. Di civînê de koma Ereban bang kir ku divê Îsraîl ji xaka Sûriyeyê were vekişandin û cezayên li ser Sûriyeyê werin rakirin. Îsraîlê jî diyar kir ku tevgerên wê yên li ser sînor ji bo ewlehiyê ne.”
