Amed – Demsal payîz meh îlon e. Hewaya germ hêdî hêdî şûna xwe ji hewaya sar re dihêlê. Dema ku hûn li Kurdistanê bijîn hûn dizanin ku zivistan nêz dibe û hemû mirov êdî amadekariyên zivistanê dikin. Li Amedê jinan bi awayekî komî dest bi amadekariyên zivistanê kirin.
Her sal li tevahî bajar, navçe û gundên Kurdistanê ji bo derbaskirina zivistaneke aram û bêpirsgirêk xebat têne kirin. Pêşengiya van xebatan jin dikin û xebat bi awayekî komunal tên meşandin.
Li Amedê jinan milên xwe dan hev û bi awayekî komî dest bi çêkirina, konserveyan kir. Her kar zor û zehmetiyên xwe hene. Lê çêkirina konserveyan gelek zehmet e.
2 Jinên ku di saetên serê sibehê de berê xwe dan Halê ango cihê firotina bi giştî ya sebze û mêweyan, dikan bi dikan geriyan û li cihê herî erzan sebzeyên xwe kirîn. Li gorî salên borî buhayê sebzeyan gelek zêde bûye. Li gorî standina bi giştî jî; Kîloya firingî 15, îsot 25, îsotên tûj 40 û bacanê reş 22 lîreyan wergirtin.
2 Jinan sebzeyên xwe barî wesayitê kirin û anîn cihê çêkirinê. Li vir hejmara hevalên ku dê bi awayekî komî alîkariya hev bikin 1 mêr 4 jin bi giştî bû 5 kesan.
Ehmed Tamîr bi awayekî lezgînî, beroş danî ser agir û dest bi çêkirina tifikê kir. Jinan jî teştik, kêr û kavanozên xwe danîn ber xwe û dest bi jêkirin û felqekirina firingî, bacanê reş û îsotan kirin.
Piştî kelandina sebzeyan, kavanoz hatin tijîkirin û ji bo di rojên zivistanê de bên xwarin hatin hilanîn.
