Ciwananê Papua yê Averperweran seba hêrişanê vera Rojava mesajêkê paştîdayîşî weşana û vat, “Erjê Rojava yê ma hemînan ê.”
Hemverê hêrişanê çeteyanê HTŞ û SMO’yî yê vera Rojava piştgirîya mîyanneteweyî bena gird. Hesabê RiseUp4Rojava (Seba Rojava wirze we) yê medyaa dîjîtal ke kolektîfanê şorişgir ra yeno pê, mesajê piştgirî yê Ciwananê Papua yê Averperweran weşana.
Mesajî de nê çîyî ameyê vatene: “Rojava tena têkoşînê şarê kurdî nîyo. Erjê ci ê aîdê ma hemînan ê ke ma bawer kenê ke ganî kolonyalîzm orte ra bêro wedaritene û xelasîya rastîne ganî cêrî ra, hetê şarî ra, seba şarî û bi taybetî seba cinîyan dest pêbikero. Biciwîyo Rojava, Cinî Cuye, Azadîye.”
