Komîsyono ke bi wesîleya çareserîya meseleya kurdî meclîsî de ameyo awankerdiş do 19-20ê tebaxe de weqf, temsîlkarê rêxistinê komelê sivîlî, Dayîkê Aştîye û Dayîkê Şemeyî goşdarî bikero.
“Komîsyonê Pêgirewtişê Neteweyî, Wayûbiratî û Demokrasî” ke bi wesîleya çareserkerdişê meselaya kurdî meclîs de ameyo awankerdiş, do 19 û 20ê Tebaxe de kombîyayîşê xo yê 4ine organîze kerd. Komîsyon, do nê kombîyayîşî de temsîlkarê weqf û rêxistinê komelê sivîlî û kesê şerî de merdimê xo vînî kerdî, goşdarî bikerê. Kombîyayîş de do pêşnîyazîyê Dayîkê Şemeyî, Dayîkê Aştîye û temsîlkarê rêxistinê komelê sivîlî yê cîya bêro goşdarîkerdiş.
Roniştişê ewilî yê kombîyayîşê 19ê Tebaxe de do Wezîra Keye û Merdimanê Komelê Mahînûr Ozdemîr Goktaş pêşkêşiyêk bikero. Dima ra zî do komîsyon Komeleya Gaziyan ê Astengdarê Şerî yê Tirkîya, Komeleya Şehîd Jinebî û Êtîmê Wan, Weqfê Keyeyê Gazî û Şehîdan ê Tirkîya, Weqfê Destekdayîşê bi Xizmê Şehîd û Gaziyanê Tirkîya û Weqfê Keyeyê Astengdarê Wezîfeyî yê Teşkîlatê Emniyetî û Şehîdan goşdarî bikero. Roniştişê diyîn de zî do keyeyî serê rêxistinkerdişê Wezîrê Karê Zereyî yê Tirkîya demê verî Suleyman Soylu rêxistina HDP’yî Amedî çalakîya roniştişî kerdî, bêro goşdarîkerdiş.
Kombîyayîşê bi serekîya Serekê Meclisî Nûman Kurtulmuş do saete 14.00ine de dest pêbikerê.
