Keyeyê çalakîkera heqanê merdiman Nêrgiz Mihemedî eşkera kerd ke rewşa weşîye ya Nêrgiz Mihemedî baş nîya û rayedarê Îranî nêverdanê ke Nêrgiz Mihemedî bêra dermankerdene, o semed ra cuya aye tehluke de ya.
Keyeyê Nêrgiz Mihemedî derheqê zîyaretê xo yê peyên û rewşa weşîta Nêrgiz Mihemedî de agahî dayê rêxistinanê heqanê merdiman. Gıreyê eşkerayî keyeyî, rixmo ke dokoranê hepisxaneyê Zencanî b ifermî eşkera kerdo ke rewla Nêrgiz Mihemedî ya weşîye baş nîya û lazimtîya aye bi çimdarîya doktoran a bilez est a, la Serdozgerîya Tehranî bi hewayêko nehuqûqî vernîya vejîyayîşê aye yê seba nêweşxaneyî gêna.
Keyeyî dîyar kerd ke Nêrgiz Mihemedî bi dejanê grian ê sîne, dejê sereyî û kêmbîyayîşê kîloyî yê ne normal û zehmetîya nefesgirewtişî reyde rî bi rî ya. Keyeyî waşt ke bilez Nêrgiz Mihemedî seba merkezêkê doktorî to pispor bêra berdene û hişyarî daye ke dewamê na rewşe de cuya aye do bikewa tehluke.
Erjeno merdim vajo ke Nêrgiz Mihemdî sey pawitoxanê tewr namdar ê heqanê merdiman ra yew, Rojhelatê Kurdîstan û Îranî yena naskerdene. Serra 2023î de seba têkoşînê aye yê vera cezaya dardekerdişî û pawitişê heqanê cinîyan, Xelata Nobelî ya Aştî aye rê ameybî dayene.
