Rayberê Şarê Kurdî Abdullah Ocalanî Meclîsê Îştar ê Kampê Koçberan ê Mexmûrî silam kerd û nê mesajî da: “Bêyî azadîya cinî, sosyalîstbîyayîş nêbeno. Nê semedî ra lazim o bingeyê xebatanê sîyasî, ekonomîk, kulturî yê meclîsê ma yê cinîyan ê Mexmûrî nê ser o bo.”
Rayberê Şarê Kurdî Abdullah Ocalanî seba Konferansê Meclîsê Îştar ê Kampê Koçberan ê Mexmûrî mesajêk erşawit û konferansî silam kerd.
Mesajê Rayberê Şarê Kurdî Abdullah Ocalanî wina yo:
“Ez hêvîdar a ke konferansê Meclîsê Îştar ê Kampê Koçberan ê Mexmûrî ke şima do bikerê, do têkoşînê cinîyan ê azadîye û têduştî berz bikero, wezîfe û berpirsîyarîyanê xo yê awankerdişê Komelê Aştî û Demokrasî de bîyaro ca.
Demêko newe dest pêkeno. Sîstemêko demokratîk û komunal do pêşengîya cinîyan de aver şêro. Prosesê Demokratîk-Komunalîst şeklê komelê cinî-maye yo newekerde yo. Xoresnayîşê rastîya komelkî zî encax bi nê rêbazî eşkena mumkin biba. Heta ke îqtîdarê camêrdî nêro vîyartene, qadanê felsefe, zanist, etîk, estetîk û dînî de heqîqeta komelkî nêvejîyena orte. Heta kulturê camêrdê îqtîdarî yo ke xorinîya komelê newe de nimite yo, nêro rijnayene, seke Marksîzmî zî dayo îspatkerdene, awankerdişê Sosyalîzmî zî mumkin nîyo. Xoresnayîşê Sosyalîzmî azadîya cinîyan ra vîyareno. Beyî azadîya cinî sosyalîstbîyayîş û sosyalîzm nêbeno. Nê semedî ra lazim o bingeyê xebatanê sîyasî, ekonomîk, kulturî yê meclîsê ma yê cinîyan ê Mexmûrî nê ser o bo. Şarê ma yê Mexmûrî ke bi zorî ca û waranê xo ra ameyê vetene, rixmê heme zehmetî, zilm û zordarî zî nasname û kulturê xo ra fekveranêdayo. Mîyanê çolî de cuyêka newa ke merdim bieşko biciwîyo awan kerd û bîyê parçeyêkê têkoşînê azadîye. O semedî ra cayê înan têkoşînê ma de bêmunaqeşe yo.
Naskerdişê şarê kurdî yê mîyanê huqûqî de, abîyayîşê kanalanê sîyasetê demokratîkî, girewtişê binê ewleyî yê heq û azadîye, hetê çareserîya domdare ra muhîm o. Agêrayîşê şarê Mexmûrî zî mîyanê nê şertan de manadar o. Seba ke agêrayîşê welatî bêro xa, lazim o zemîno sîyasî, huqûqî û komelkî bêro awankerdene. Ganî gêrayîşo takekesî û keyeyî nê agêrayîşo kolektîf, çarçewaya sîyasî û huqûqî de bêro îfadekerdene. Şarê Mexmûrî ke mexdûrê şer û pirodayîşan o, eynê weztî de Kerdoxê Prosesê Aştî û Komelê Demokratîkî yê. Ez bawer kena ke prosesê Aştî û Komelê Demokratîk bi serkewtiş bi encam bibo û rayîrê agêrayîşê şarê Mexmûrî zî akero. Na çarçewa de ez şarê ma û konferansî silma kena.
Bi silam û heskerdişê min o bêpeynî”
Abdullah Ocalan
