Hejmara kesên di lehiyên li Başûr Rojavayê Asyayê pêk hatin de jiyana xwe ji dest dane, bû 321 kes.
Li welatên wekî Endonezya, Malezya û Taylandê ev hefteyeke ji ber baranên bênavber lehî pêk tên. Di encama barana ku car bi car derdikeve asta bahozê de heta niha 321 kesan jiyana xwe ji dest da. Li gorî agahiyên rayedarên dewletan; li her welatî ji gelek kesan jî xeber nayê girtin û ev yek jî dibe sedema fikara zêdebûna mirinan. Her wiha lehî û baran bandorek mezin li ser jiyana sivîlan dikin.
Li gelek dever û jîngehan xetên ceyranê zirarek mezin dîtine. Di aliyê xetên ragihandinê, hatin û çûyînê de jî welatî bi tengasiyên mezin re rû bi rû dimînin. Li hin deveran piştî kêmbûyîna baranê, av vekişiya û piştre dîmenên wêranbûna jîngehan derket holê.
