Çalakiya nobetê ya li Wargeha Mexmûrê ji bo azadiya fîzîkî ya Rêberê Gelê Kurd Abdullah Ocalan hatiye destpêkirin de hate ragihandin ku divê hemû gelê Kurd bi hêza xwe bawer be û têkoşînê mezin bike.
Çalakiya nobetê ya li Wargeha Penaberan a Şehîd Rûstem Cudî bi armanca azadiya Rêberê Gelê Kurd Abdullah Ocalan hatiye destpêkirin ji hêla koma 180yan ve dewir hate girtin. Nobeta li Saziya Malbatên Şehîdan ya Mexmûrê pêt tê ev 920 roje berdewam dike. Li ser navê koma 179an çalakvanê bi navê Seîd Çomlek axivî. Çomlek bal kişand ser êrişên li ser Rêberê Gelê Kurd û tevahiya Kurdistanê û wiha got: ” Pêwîste em wek gelê Kurd Hemû derfetên xwe yên xebatê ji bo azadkirina Rêber Apo pêş bixin. Ev demek dirêj li Mexmûrê çalakiyek ji bo azadiya Rêber Apo hatiye destpê kirin. Heta em Rêbertiya xwe di nava xwe de azad ne bînin, emê dest ji çalakiyên xwe bernadin. Em hemû çalakiyên ji bo azadiya fîzîkî ya Rêber Apo tên lidarxistin silav dikin.”
‘Em bi hêza xwe bawer in’
Çomlek bal kişand ser êrişên li ser Rojava û wiha pêde çû: “Wek tê zanîn ev demek dirêj êrişek hovan li hemberî gelê yê Rojavayê Kurdistanê tê kirin. Gelê me yê Rojavayê Kurdistanê rastî komployek navdewletî hat. Civaka Rojavayê Kurdistanê ev bêbextî heqne kiribû. Em bi hêza gelê xwe û şervanên gelê Kurd bawerin ku çawa di sala 2014an de li hemberî çeteyên DAIŞê bi serkeftin, wê îro jî vê çalakiyê biserbixin. Em bi hêza xwe bawer in.” Di merasîma dewrgirtinê de diruşmeyên, “Bijî Serok Apo”, “Bê Serok jiyan nabe’, “Bijî bexwedan Rojava” û “Jin jiyan azadî’ hatin qêrîn.
