Li Silopya jina bi navê F.A (27) ku tundî lê hat kirin rakirin nexweşxaneyê û rewşa wê giran e.
Li gor agahiyên hatine bidestxistin li taxa Vatanê ya bajaroka Gite ya navçeya Silopya Şirnexê jina bi navê F.A. (27) îro ji aliyê birayê xwe rastî tundiyê hat. Li gor îdiayan piştî tundiya ji aliyê bira Kadrî A. pêk hatî F. A. xwe weris daliqandiye û li ser vê yekê rakirine Nexweşxaneya Dewletê ya Silopya. Ji ber ku rewşa F.A. giran bû sewqî Nexweşxaneya Dewletê ya Cizîrê hat kirin. Li gor agahiyên hatine bidestxistin di navbera Silopya û Cizîrê de 3 caran dilê F.A. sekiniye û niha hatiye entûbekirin.
Ji aliyê din ve li gor agahiyên çavkaniyan dane ajansa me, Kadrî A. hatiye hatiye binçavkirin û li Qeleqola Cendirmeyan a Gite tê girtin.
