Komaleya Berî Her Tiştî Zarok li ÇandAmedê mîhrîcana zarokan li dar xist. Mihrîcan dê 3 rojan bidome. Di roja ewil de Performansa Muzîkê Ya Solo ya Muzîkjenên Katalan derketin ser dikê.
Komaleya Berî Her Tiştî Zarok bi alîkariya Şaredariya Mezin a Amedê û 3 saziyên Katalon li Amedê mihrîcana zarokan li dar xist. Mihrîcan bi axaftina protokolê destpê kir.
Piştre Serokê Daîreya Xizmetên Civakî yê Şaredariya Bajarê Mezin ê Amedê Omer Salman derbarê avakirina Zarokîstanê û mihrîcanê axivî û wiha got: “Şaredariya mezin ji bo zarokan karekî birûmet dike û yek ji wan karan jî Zarokîstan e. 10 sal berya niha me bi dirûşmeya ‘Ziman şêrîne Zarokîstan hêlîne’ me bi destê karê xwe kir. Berî Her Tiştî Zarok, Ma Muzîk, Saziya Çocukça û Saziya Rengarenk Umutlar bi hev re karê xwe zêde dikin. Em heval û mêvanên xwe yê Katalon slav dikin ewna jî wek mîna me ne gele katalon wek mîna me bi salan çanda xwe diparêzin. Wana wekî mînakên hêja dibînin. Em rûmetdarin ku ew îro mêvanên me ne.”
Pîştî axaftina Omer Salman, Seroka Komaleya Berî Her Tiştî Zarok Rêzan Kaya axivî û got: “Em îro li vê derê, ne bi tenê mihrîcanekê didin destpêkirin; em ked, afirînerî û xeyalên zarok û ciwanan xwe bi hev re pîroz dikin. Di encama vê rêwîtiya rengîn de, ji xeyalên wan yên azad lîstika şanoyê, koroya zarokan û pêşangeha wêneyê derket holê.”
Li ser navê saziyên Katalon axaftin hat kirin. Saziyên Katalon xêrhatina mêvanan kirin û kêfxweşiya xwe ya ji bo mihrîcanê anî ziman. Piştî axaftinan sînevîzyona ‘Stop Motion’ hat pêşandan. Piştre Koroya Zarokan a Rengîn a Komeleya Hêvîyên Rengîn, Koma Stranbêjî/Rîtm/Ksîlofon-Boomwhackers a Ma Musicê, Koma Sêtêljenan û Performansa Muzîkê Ya Solo ya Muzîkjenên Katalan derketin ser dikê.
Roja yekem a mihrîcanê bi dawî bû.
