Rêberê Şîe Mukteda el-Sadr hişyariya “felaketa herêmî” da û daxwaz kir ku sînor werin girtin û sîstema parastina esmanî were aktîfkirin.
Li Rojavayê Kurdistanê, girtîgehên ku endamên DAIŞê tê de ne, veguherîn qada şer. Hêzên Sûriyeya Demokratîk (HSD), di dîmenên ku parve kir de tê xuyakirin ku çeteyên HTŞê û SMOyê, girtiyên DAIŞê serbest tên berdan. Li aliyê din hat ragihandin ku li derdora Girtîgeha El-Katan a Reqayê şerekî giran diqewime.
‘Hevkariyeke qirêj heye’
Serokê Tevgera Şîe ya Neteweyî ya Iraqê Mukteda el-Sadr diyar kir ku vekirina deriyên girtîgehan ji bo ewlehiya herêmê gefa herî mezin e û got: “Di navbera Baasiyên necis û terorîstên radîkal de planeke hevkariyê ya qirêj tê meşandin.”
Sadr destnîşan kir ku divê sîstema parastina esmanî were aktîfkirin û wiha got: “Hêzên ewlehiyê divê di asta herî jor de amade bin.”
