Rojnameger Huseyîn Denîz di 33yemîn salvegera kuştina xwe de hat bîranîn.
Nûçegihan û nivîskarê rojnameya Ozgur Gundemê Huseyîn Denîz ê ku di 9ê Tebaxa 1992an de li navçeya Serêkaniyê ya Rihayê di êrîşeke çekdarî de li nîvê kolanê jiyana xwe ji dest da, di 33yemîn salvegera kuştina xwe de li ser gora xwe hat bîranîn. Xwişkên Denîz, Adile û Newroz Denîz, nûnerên Komeleya Rojnamegerên Dîcle Firatê (DFG), Komeleya Rojnamegerên Jin ên Mezopotamyayê (MKG), Tevgera Jinên Azad (TJA), Komeleya Alîkarî, Piştgirî û Çandê ya Malbat û Xizmên Xwe li Axên Qedîm Winda Kirine (KATDER), rêveberên Partiya Wekhevî û Demokrasiyê ya Gelan (DEM Partî), Partiya Herêmên Demokratîk (DBP) yên bajar û navçeyan, Hevşaredara Şaredariya Serêkaniyê Dîlan Ablay û gelek kesên din tevlî bîranînê bûn.Bîranîn bi deqîqeyek rêzgirtinê dest pê kir.
Hevseroka DFGê Kesîra Onel di bîranînê de axivî û got “Huseyîn Denîz, Çetîn Ababay, Yahya Orhan û Hafiz Akdemîr ji ber nûçeyên çêkirin hatin kuştin. Dema ku hat kuştin di bêrîka wî de nivîsa wî hebû. Huseyîn Denîz heqîqetê hebû. Em Huseyîn Denîz û şehîdên Çapemeniya Azad mînak digirin. Ev ji bo me çavkaniya rûmet û serbilindiyê ye.”
Hevjîna wî Adîle Denîz jî ev tişt anî ziman: “Huseyîn Denîz ji ber tiştên ku di wê serdemê de nivîsandiye hat kuştin. Sernavê nivîsa wî ya dawî ‘Lihevkirina bi gerîlayan re’ bû. 33 sal berê jiyana xwe ji dest da. Lêkolînên wî yên li ser çand, folklor û dîroka kurdan hebûn. Têkiliya wî bi gelê Serêkaniyê re pir baş bû. Her tim rêya têkoşîna wan ronî kir. Ji bo doza xwe canê xwe feda kir. Ger îro gel li ser gora wî ye, ev tê wateya ku têkoşîna wî bi ser ketiye.”
Hevseroka DEM Partiyê ya Rihayê Ayşe Surucu jî di şexsê Huseyîn Denîz de hemû kedkarên çapemeniyê bi bîr anî û got, “Di salên 1990î de bi hezaran rewşenbîr û rojnamegerên kurd hatin kuştin. Hewl hat dayîn ku dengê bi dehan rojnamegerên ku li pey heqîqetê bûn qut bikin. Lê ji wê demê ve dengê heqîqetê bi bi awayî xurt dinivîse.”
Bîranîn bi danîna qurnefîlên li ser ser gora Huseyîn Denîz bi dawî bû.
