Başak Demîrtaş, Serokê Karên Derva yê Meclisê Fuat Oktay û Serokê Giştî yê Partiya Yenîden Refahê Fatîh Erbakan çûn nexweşxaneya Sirri Sureyya Onder lê tedawîkirin û serdana parlamenterên DEM Partiyê kirin.
Endamê Şandeya DEM Partiyê ya Îmraliyê û Serokwekîlê Meclisê Sirri Sureyya Onder ku li Nexweşxaneya Florence Nightingale ya li navçeya Şîşliya Stenbolê tedawiya wî didome, rewşa wî ya krîtîk jî berdewam dike. Ji roja destpêke vê serdanên ji bo Onder li nexweşxaneyê bênavber berdewam dikin.
Serokê Karên Derve yê Meclisê û Cîgirê Serokkomar ê berê Fuat Oktay jî ji bo li rewşa Onder bipirse çû nexweşxaneyê û serdana parlamenterên DEM Partiyê û malbata Onder kir. Fuat Oktay li nexweşxaneyê ji aliyê parlamenterên DEM Partiyê û malbata Sirri Sureyya Onder vê hat pêşwazîkirin. Piştî serdanê Fuat Oktay li ber deriyê nexweşxaneyê pirsên rojnamegeran bersivand. Fuat Oktay bi lêv kir ku rewşa Sirri Sureyya Onder stabîl e û li ser pirsa “Serokkomar Erdogan dê were nexweşxaneyê serdanê an na?” ev bersiv da: “Serokkomarê me Erdogan wê were nexweşxaneyê an nayê, ez vê nizanim. Lê Serokkomarê me rewşê ji nêz ve dişopîn e.” Fuat Oktay li ser pirsa “Gelek serdan ji bo nexweşxaneyê hene” jî wiha got: “Di şexsê Sirri Sureyya Onder de yekitî û li hevgirtinek heye. Ji cudabûnê zêdetir bi hevrebûyinek li vir heye. Ji ber wê jî serdan pirr watedar in. Em hêvî dikin ku Sirri Sureyya Onder jî rojek beriya rojekê rabe ser xwe û xebatên xwe berdewam bike.”
Piştî serdana Fuat Oktay, Serokê Giştî yê Partiya Yenîden Refahê Fatîh Erbakan jî hat nexweşxaneyê û ji parlamenterên DEM Partiyê li rewşa Sirri Sureyya Onder pirsî.
Her wiha di nava rojê de gelek kesayet, siyasetmedar, nûnerên rêxistinên sivîl jî li nexweşxaneyê serdana malbata Onder û şandeya DEM Partiyê kirin.
Rojnameger Hasan Cemal, hevjîna Sellahattîn Demirtaş, Başak Demîrtaş, siyasetmedar, parlamenter û wezîrên berê jî çûn nexweşxaneyê û serdana malbata Onder û şandeya DEM Partiyê kirin.
