DEM Partiyê nerazîbûn nîşanî binçavkirina rêveber û endamên ESPê û rojnamegeran da û xwest binçavkirî tavilê bên berdan.
Serê sibê tevî Hevserokê Partiya Sosyalîst a Bindesetan (ESP) Mûrat Çepnî û rojnamegeran 96 sosyalîst hatin binçavkirin. DEM Partiyê li ser hesabê xwe yê Xê bertek nîşanî binçavkirina 96 kesan da.
Daxuyaniya DEM Partiyê bi vî rengî ye:
“Vê sibê gelek xebatkarên pêkhateya me ESP û SKM, DÎSK/LÎMTER-ÎŞ, BAKSAVê di encama serdegirtinên malande hatine binçavkirin.
Tevî Hevserokê Giştî yê ESPê Mûrat Çepnî û Endamê Meclîsa Partiya me Emîn Orhan, rojnemeger, ekolojîst û sendîkavan hatine binçavkirin.
Ev polîtîkaya tundiyê ku desthilat bi destê darazê li dijî sosyalîstan dike, nayê qebûlkirin. Divê kesên hatine binçavkirin tavilê bên berdan.
Her wiha welatiyên me yên di protestoyên li dijî êrişên li ser Rojava de hatine binçavkirin û girtin divê bên berdan û divê tundiya li dijî kesên bertekên xwe nîşan didin, bi dawî bibe.”
