Nivîsîngeha Serokatiya Iraqê merasîma Koma Aştî û Civaka Demokratîk weke pêngaveke dîrokî û pêşerojê ronî dike pênase kir.
Nivîsîngeha Rojnamevanî ya Serokkomartiya Iraqê derbarê merasîma dîrokî ya gerîlayên PKKê ya Koma Aştî û Civaka Demokratîk ku çekên xwe tine kiribûn peyamek belav kir.
Di peyamê de hate diyarkirin ku Serokatiya Iraqê bi germî pêşwazî li pêngava gerîlayên PKKê dike ku ji bo pêkhatina aştî û ewlehiya li herêmê avêtiye.
Di peyamê de ev hate gotin: “Merasîma şewitandina çekan, pêngaveke dîrokî û ji bo dawî anîna şer bi dehan sale dewam dike girînge. Ev pêngaveke pêşerojê ronî dike, derfetên aştî û bihev re jiyanê li herêmê dide avakirin. Divê hemû aliyên şer xwe bispêrin ewlehî û aramiya li herêmê, girînge ev pêvajo di warê qanûnî de were garantîkirin ji bo hemû alî jê sûdmend be.
Hêjayî bibîrxistinê ye 11ê Tîrmehê komeke gerîla ji 30 kesî pêk dihat li ser banga Rêber Apo weke Koma Aştî û Civaka Demokratîk’ li şikefta Casenê ya navçeya Ranya ser bi Silêmanî ya başûrê Kurdistanê bi tevlîbûna sedan nûnerên partiyên siyasî, rewşenbîr, rojnamevan û kesayetên naskirî bi merasîmekê çekên xwe şewitandin û tine kirin.
