Serdanên şîna Sirri Sureyya Onder a li navçeya Şîşliyê ya Stenbolê hatibû danîn, di roja duyemîn de berdewam dike. Gelek kes serdana şînê dikin û ji malbat û DEM Partiyê re sersaxî dixwazin.
Ji bo endamê Şandeya Partiya Wekhevî û Demokrasiyê ya Gelan (DEM Partî) ya Îmraliyê û Serokwekîlê Meclisê Sirri Sureyya Onder ku piştî 18 rojên li nexweşxaneyê di 3yê Gulanê de jiyana xwe ji dest da, li Navenda Pêşandanê ya Cemal Reşît Rey a li navçeya Şîşliyê ya Stenbolê şîna ku hatibû danîn di roja duyemîn de berdewam dike. Malbata Sirri Sureyya Onder, Hevserokên Giştî yên DEM Partî Tuncer Bakirhan û Tulay Hatîmogullari, Hevserokên Giştî yên Partiya Herêmên Demokratîk (DBP) Çîgdem Kiliçgun Uçar û Keskîn Bayindir, endama Şandeya Îmraliyê Pervîn Buldan û parlamenterên DEM Partî li cihê şînê amade ne û kesên tên şînê pêşwazî dikin.
Li cihê şînê wêneyê Sirri Sureyya Onder hatiye danûn û find hatine pêxistin. Lenûskek bîranînê jî hatiye danîn û kesên serdana şînê dikin, hestên xwe li lenûskê dinivisînin.
Şîn îro wê heta seat 20.00an bidome.
