Li Sûriyeyê piştî kampanyaya “Ez dixwazim bi Rêber Ocalan re hevdîtinê bikim” a ku di 20ê Tebaxê de dest pê kir, 800 kesayetên navdar îmze dan û xwestin bi Rêberê Gelê Kurd Abdullah Ocalan re hevdîtinê bikin.
Li Sûriyeyê di navbera 21 û 30ê Tebaxê de li Sûriyeyê zêdertirî 800 kesayetan ji bo hevdîtina bi Rêber Abdullah Ocalan re tev li kampanyaya “Ez dixwazim bi Ocalan re hevdîtinê bikim” bûn. Têkildarî kampanyayê wê sibe daxuyanî bê dayîn.
Zêdetirî 800 kesayetan ji bo hevdîtina bi Rêber Abdullah Ocalan re îmze dan
Bi sedan pêşengên civakê, siyasetmedar, hiqûqnas, akademisyen, bijîşk, rewşenbîr, serokên eşîr û êlan, çalakvan û oldarên li Herêma Bakur û Rojhilatê Sûriyeyê û herêmên din ên Sûriyeyê (Laziqiyê, Tertûs, Siwêda, Humis, Heleb û Şam) tevl li kampanyayê bûn û daxwaza xwe ya hevdîtina bi Rêber Abdullah Ocalan re anîn ziman.
Berdevkê Înîsiyatîfa Azadiya Rêber Abdullah Ocalan a Sûriyeyê Ferzende Munzur, têkildarî mijarê agahî parve kirin û got: “Ji 21-30ê Tebaxê zêdetirî 800 îmze hatine tomarkirin.”
Ferzende Munzur da zanîn ku dê Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê der barê kampanyayê de 1ê Îlonê daxuyaniyekê bidin.
Kampanyaya “Ez dixwazim bi Ocalan re hevdîtinê bikim” ji aliyê Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan ve tê birêxistinkirin.
