Platforma Saziyên Demokratîk li Wanê têkildarî salvegera yekemîn a banga Aştî û Civaka Demokratîk a 27ê Sibata 2025an daxuyanî da. Hevserokê DEM Partiya Wanê Veysî Dîlekçî di daxuyaniyê de bal kişand ser şert û mercên Abdullah Ocalan û got: “Divê demildest mafê hêviyê pêk were.”
Platforma Saziyên Demokratîk li Wanê, têkildarî salvegera yekemîn a banga Aştî û Civaka Demokratîk a 27ê Sibata 2025an a Rêberê Gelê Kurd Abdullah Ocalan li Qada Bajêr daxuyanî da. Dayikên Aştiyê, aktivîstên TJAyê, endam û rêveberên DEM Partî û Partiya Hêrêmên Demokratîk (DBP ), saziyên sivîl û gelek welatî tev li daxuyaniyê bûn. Di daxuyaniyê de pankarta ku li ser “Bi Rêberê Azad Ber Bi Civaka Demokratîk Ve” hat vekirin. Beşdaran dirûşmên “Bijî berxwedana Îmraliyê”, “Bijî Serok Apo” berz kirin. Daxuyanî ji aliyê Hevserokê DEM Partiyê yê Wanê Veysî Dîlekçî ve hat dayîn.
‘Aştî yek alî nabe’
Veysî Dîlekçî da zanîn ku Rêberê Gelê Kurd Abdullah Ocalan salek berî niha bi îradeyeke xurt banga Aştî û Civaka Demokratîk kir û wiha got: “Di nav salekê de ji Aliyê Kurdan ve gelek gavên ş ênber hatin avêtin. Aştî yek alî nabe. Belê li meclşsê Komîsyonek hat avakirin, vê komîsyonê gelek xebat meşandin, ya herî girîng jî endamên vê komîsyonê çûn Îmraliyê bi Rêberê gelê Kurd re hevdîtin kir. Lê gavên bên avêtin hene.”
‘Divê mafê hêviyê were pêkanîn’
Veysî Dîlekçî bal kişand ser gavên ku pêwist e dewlet bavêje û axaftina xwe wiha bi dawî kir: “Pêwist e demildeest şaert û mercên ku sermuzakerevan birêz Ocalan bikaribe bi awayekî azad bixebite werin pêkanîn. Mafê hêviyê were pêkanîn. Ruxmê biryarên Dadgeha Mafê Mirovan a Ewropayê jî di doza Kobanê de tu gav neavêtin û berdewamkirina qayiman li gorî ruhê vê pevajoyê nîn e.”
Daxuyanî bi berzkirina dirûşma “Bijî Serok Apo” bi dawî bû.
