Enqere – Rojnameger Jasper Mortîmer ê bernameya salvegera yekêmîn a Banga Aştî û Civaka Demokratîk şopand, tekildarî peyama nû ya Rêberê Gelê Kurd Abdullah Ocalan diyar kir ku dê bandor li ser hemû mirovahiyeyê bike. Parêzer Devrat ê jî li Hîndîstanê tev li bernameyê bûbû jî bi lêv kir ku ew ji ber meraqa peyama Abdullah Ocalan hatiyê Enqereyê.
Banga Aştî û Civak Demokratîk a Rêberê Gelê Kurd Abdullah Ocalan ya di 27ê Sibata 2025an salekê li pey xwe hişt. Di salvegera bangê de DEM Partiyê li Dika Yilmaz Guney a li navçeya Çankaya ya Enqereyê bernameyek li darxist. Di bernameyê de wêneyek û peyama nû yê Rêberê Gelê Kurd Abdullah Ocalan ji raya giştî re hat parvekirin. Rêberê Gelê Kurd Abdullah Ocalan di peyama xwe de diyar kir ku ew mafê hebûn û xweîfadekirina azad a hemû kesên rastî neheqiyan hatine diparêze û anî ziman ku ji bo çareseriyê pêdivî bi qanûnên azadî û aştiyê hene.
Bernameya duh hat lidarxistin ji aliyê çapemeniya Kurdistan, Tirkiye û cîhanê ve bi eleqeyeke mezin hat şopandin. Bi giştî 150 saziyên çapemeniyê û rojnameger bername şopandin. Herwiha bername ji aliyê gelek sazî, rêxistin, partiyên siyasî, rewşenbîr, siyasetmedar û gel ve jî rastî eleqeyeke mezin hat. Ji France 24ê rojnameger Jasper Mortîmer û parêzerê Hîndîstanî Davret ên tev li bernameyê bûne ji ajansa me re axivîn.
‘Peyama hatiye dayîn pir girîng bû’
Rojnameger Jasper Mortîmer bi da zanîn ku ew ji ber meraqa xwe ya pêvajoya li Kurdistan û Tirkiyeyê didome tevlî bernameyê bûye. Jasper Mortîmer anî ziman ku germahiya xwendina peyamê bandor li ser wî jî kiriyê û wiha axivî: “Bi sedan rojnamegeran li vir ew bernamê şopand. Peyama li wir hatiye dayîn pir girîng bû. Lê xwezî pirs jî bihatana pirsin. Ji ber ku hê ne şenberê ku Kurd dê çi bi dest bixîn. Helbet peyamê li ser beşdaran bandoreke mezin kir lê me jî dixwast çend pirsan bipirsin. Li ser bangê salek derbas bû. Li Meclisa Tirkiyeyê komîsyonek jî hat avakirin. Lê hê jî ji aliyê dewletê ve tu gav nehatiye avetin ku bê zanîn bê ka Kurd dê di vê pêvajoyê de çi bi destbixin. Gelo Kurd dê karibin bi zimanê xwe perwerdehiyê bibînin? Endamên PKKê dê karibin piştî berdana çeken xwe tevlî civakê bibin? Abdullah Ocalan dê azad bibe? Em jî weke rojnameger dixwazin bersiva van pirsan hîn bibin.”
‘Peyama Abdullah Ocalan dê bandor li ser hemû mirovahiyeyê bike’
di berdewama axaftina xwe de rojnameger Jasper Mortîmer tekildarî peyama nû ya Rêberê Gelê Kurd Abdullah Ocalan destnîşan kir ku peyam ne tenê li Kurdistan û Tirkiyeyê, dê li hemû cîhanê deng vede û ev tişt gotin: “Tevî dilgirtinê, giredayiya Ocalan ya aştî û demokrasiyê û gava wî ya dest ji çekan berdanê dê bandoreke erênî li ser hemû mirovan bike. Hemû cîhanê û welatî dixwazin li Tirkiyeyê demokrasî pêk were û aştî çêbe.”
‘Min peyama birêz Ocalan meraq dikir’
Parêzer Devrat ê ji Hîndîstanê hatibû û bernameyê şopandibû destnîşan kir ku ew ji bo karekî hatiyê Stenbolê û piştî bihîstiyê ku li Enqereyê dê peyama nû ya Rêberê Gelê Kurd Abdullah Ocalan were xwendin berê xwe daye Enqereyê. Devrat bi lêv kir ku ji ber ew tevlîbû bernameyê xwe bi şans hîs dike û wiha got: “Ez li Stenbolê bûm. Çend hevalan ji min re pêşniyara tevlîbûna vê konferansê kirin. Konferanseke pir girîng e. Ji bo wê ez jî tevlî bûm. Min jî peyama birêz Ocalan pir meraq dikir. Ji bo wê jî hatim tevlî bernameyê bûm. Ji bo ku tevlî bernameya li Enqereyê bûm ez xwe pir bi şanş hîs dikim. Ji ber wê jî ez jî bi hevalên xwe re hatim û me peyama Abdullah Ocalan guhdar kir. Divê hemû pêkhate tev li pêvajoya li Tirkiyeyê tê meşandin bibin. Ev pêvajo ji bo Tirkiye û herême pir girîng e. Em li her derê aştiyê dixwazin. Ji bo wê jî pêvajoya li vir hatiyê destpêkirin pir girîng e.”
