* Salvegera 38emîn a Komkujiya Helebceyê ye. Du rojnamegerên ku şahidiya komkujiyê kirin, wiha gotin: “”Helepce ne tenê birîneke kûr a dîroka Kurdan e, di heman demê de şahidiya herî mezin a bêdengiya mirovahiyê ye.”
* Endamê ÎHDa Sêrtê parêzer Orhan Çelîk anî ziman ku divê dewleta Tirk biryara ku ji aliyê DMMEyê ya ku ji bo Rêberê Gelê Kurd Abdullah Ocalan dabû bi cih bîne û got: “Di peymana DMMEyê de xala sêyemîn heye, ew jî ev e; ‘divê tu mirov bi îşkenceyê re rû bi rû neyê hiştin’.”
* Endamê Meclîsa Malbatên Şehîdan a Qamişloyê Mihyedîn Hesen ku şahidiya komkujiya 12ê Adarê ya Qamişloyê kiriye anî ziman ku bi komkujiyê xwestin di navbera Kurd û Ereban de şerekî derxînin û got: “Piştî şoreşa Rojava bi avakirina pergala Netewa Demokratîk re armanca komkujiyê jî vala derket.”
* Duh, dema ku tariyê bajarê Stockholmê girtibû bin baskên xwe yên sar, dilê hosteyê helbesta Kurmancî Ehmed Huseynî sekinî. Ehmed Huseynî yê ku bi dehan salan bi peyvên Kurdî bûbû deng û rengê welatê xwe, di 71 saliya xwe de çavên xwe li jiyanê girt. Bi koça wî re, pênûsek şikest lê mîrateyeke qewî ku dê ti carî winda nebe ma. Ji bo ew mîrateyeke wisa li pey xwe bihêle xwe spart riste û peyvan, lewma mirinê ew nedît. Dema mirinê ew dît jî, jixwe di nav her riste û her peyvê de şitil dabû.
* Kovara bi navê Bajar îro dest bi weşanê dike edîtorê kovarê Dogan Guzel da zanîn ku ev kovar ziman û xêzê di cihekî de dike yek û wiha got: “Daxwaza me ew e ku xwendina Kurdî û ev hunera xêzê di nav Kurdan de winda nebe.”
* Endamên Koma Xwendekaran ya YYY-KURDÎyê bal kişandin ser 10 Adarê Roja Cil û Bergên Kurdî û gotin: “Hebûna me bi çanda me ve girêdayî ye. Em bi çanda xwe serbilind in, ji ber vê yekê Roja Cil û Bergên Kurdî ji bo me yekîtî û serbilindî ye.”
* Di erdnîgariya Mezopotamya û Zagrosê de, zînet ji bo Kurdan ne tenê amûra xemilandinê ye, di heman demê de nîşaneya girêdayîbûna eşîrî, statuya civakî û wekî rêyeke parastinê ye.
* Komeleya Wêjekarên Kurd dê li ser wefata helbestvan Ehmed Huseynî li avahiya xwe ya li Amedê civîna çapemeniyê li dar bixe. (12:00)
* Wê li navçeya Bazîdê ya Agiriyê bi tevlibûna Hevserokê Giştî yê DBPê Keskîn Bayindir Newroz bê pîrozkirin. (12:00)
* Komîteya Amadekar a Newrozê ya Îzmîrê, dê li Kadîfekaleyê bi beşdariya Berdevka Meclîsa Jinan a DEM Partiyê Halide Turkoglu starta pîrozbahiyên Newrozê bide. (14:00)
* Di pêşengtiya MEBYA-DERa Amedê de dê ji bo endamê PKKê Celal Amed li Eywana Dawetê ya Geterler a li navçeya Rezan a Amedê mewlud bê dayîn. (16:00)
* Platforma Tenduristiyê ya Amedê dê bi dirûşma “Em ji bo aştî demokrasî û tenduristiya civakê gotina xwe dibêjin” ji Nexweşxaneya Selahattîn Eyyubî heta Qada Şêx Seîd bimeşin û daxuyaniyê bide. (16:30)
* Komîteya Amadekar a Newroza Wanê dê li Malên Dîrokî yên Wanê deklarasyona Newrozê bê eşkerekirin. (19:30)
* Di pêşengtiya jinan de bi dirûşma “Agirê Newrozê ku me ji Zekiye û Rahşanan wergirtiye em ê bi dirûşma ‘azadî û demokrasiyê’ gur bikin” dê li Bircên Ben û Sen ên navçeya Sûra Amedê agirê Newrozê bê vêxistin. (19:30)
* Rêxistina DEM Partiyê ya Stenbolê li navçeya Sancaktepeyê dê li Qada Azadiyê pîrozbahiya Newrozê li dar bixe. (20:00)
