Her ku şer dirêj dibe Amerîka û Îran li hev sordibin. Serokê Amerîkayê Îranê hişyar kir ku di demek kurt de ji bo danustendinan biryara xwe bide.
Şerê Amerîka-Îsraîl û Îranê mehek li pey xwe hişt û her diçe şer hê bêtir tevlihev û dijwart dibe. Serokê Amerîkayê Trump hefteyek dem da Îranê û gefa tolhildana êrişên Îranê yên bi ser Îsraîl û welatên Kendavê de pêk tîne li Îranê xwar.
Trump gef li Îranê xwar û hefteyek dem da Îranê
Serokê Amerîkayê Doland Trump derbarê Rêberê Bilind yê Rejîma Îranê Mûcteba Xameneyî de got ku agahiyên berê yên ku digotin “tu deng ji Mûcteba Xamaneyî dernakeve” piştrast kir ku ew bi giranî birîndar bûye.
Rojnameya New York Post duh hevpeyvîneke bi Donald Trump re parve kir. Trump di hevpeyvînê de diyar kir ku Amerîka dê di demeke nêz de bersiveke mezin bide êrişa Îranê ya bi ser rafîneriya petrolê ya Haifa ya Îsraîlê û santrala av û elektrîkê ya li Kuweytê.
Ji bo pirsa New York Post ya “Dê êrişa we çewa be?” re Trump got: “Hûn ê di demek nêz de bibînin,” û bang li rejîma Îranê kir ku beriya ku pir dereng bikeve bigihîje peymanekê.
Trump ji bo şer ji welatên Ereb alîkariya fînansê xwest
Berdevka Çapemeniyê ya Qesra Spî Karoline Leavitt duh ji rojnamevanan re got ku Serokê Amerîkayê Donald Trump dê bang li welatên Ereb bike ku mesrefên şerê bi Îranê re bidin. Li gorî Leavitt, Trump dê di vê mijarê de tiştên din bibêje. Di bersiva pirsa gelo welatên Ereb ji bo mesrefên şer dê alîkariyê bidin an nedin re, Leavitt got ku “ew nikare li ser navê serok biaxive lê ev ramanek e ku di hişê Trump de ye.”
Dewletên Kendavê zextê li Trump dikin ku şerê li dijî Îranê bidomîne
Li gorî raporeke ku duh ji aliyê Ajansa Associated Press (AP) ve hatiye weşandin, dewletên Kendavê ji Serokê Amerîkayê Donald Trump xwestine ku êrîşên li ser Îranê bidomîne heta ku rejîma Îslamî ji bo herêmê nebe gefek. Li gorî rayedarên Kendav û Îsraîlî yên ku ji aliyê APyê ve hatine nîşandan Îran hêj têra xwe lawaz nebûye.
Îsraîl: Di şerê li Libnanê de 4 leşkerên me hatin kuştin
Artêşa Îsraîlê (IDF) piştrast kir ku di pevçûnên li başûrê Libnanê de çar leşkerên wan hatine kuştin û du leşkerên wan jî birîndar bûne. Artêşa Îsraîlê aşkera kir ku di êrişa Hizbullahê de leşkerê wan yê bi navê Kaptan Noam Madmoni, Serserjan Ben Cohen, Serserjan Maxsim Entis hatine kuştin. Lê navê leşkerê çaremîn hêj nehatiye eşkerekirin.
Netanyahu: Tekane çareserî rêya Derya Spî û Derya Sor e
Medya muhafezekar ya Amerîkî ya Newsmax duh bi Serokwezîrê Îsraîlê Benjamîn Netanyahu re hevpeyvînek kir. Netanyahû di hevpevînê de got ku yekane çareseriya demdirêj lêkirina xeta boriyên nefê yên di navbera Kendava Hurmuz, Derya Spî û Derya Sor e. Li gor Netanyahû ev proje dê hinartina nevftê ji neqebeke teng ya di nava axa Îranê rizgar bike.
Di encma şerê Amerîka-Îsraîl û Îranê de Îranê rêya Kendava Hurmuzê ya ji hinartina neftê re girt. Cîhan ji ber girtina Kendava Hurmuzê ket nava karesateke mezin ya aboriyê.
Li ser vê Erebistana Siûdî xeta lûleya neftê ya Derya Sor vekir û rojê 7 milyon varîl nefta xwe di cihê Kendava Hurmuzê de, di ser xeta lûleya neftê ya di navbera Kendava Hurmuz û Derya Sor de dişîne bazarên cîhanê.
