Platformê Sazgehanê Demokratîk bi munasebetê rojbîyayîşê Rayberê Şarê Kurdî Abdullah Ocalanî Wan de çalakîya ronayîşê daran organîze kerd. Dayîkê Aştî bi deyîran darî ronayê û 4ê Nîsane pîroz kerd.
Wan de bi pêşengîya Platformê Sazgehanê Demokratîk bi munasebetê 4ê Nîsane rojbîyayîşê Rayberê Şarê Kurdî Abdullah Ocalanî yo 77. taxa Bostanîçî ya Rêya Armûşî de çalakîya ronayîşê daran ameye kerdene. Çalakî Parka Fahrettîn Înan de bi beşdarîyêka xurt dewam kerd. Çalakî ded Dayîkê aştî, Hemsereka Rêxistina Wanî ya DEM Partî Gulşen Kurt, Hemşaredarê Wanî yê Şaristanê Girdî Abdullah Zeydan, temsîlkarê TUHAY-DER û xeylê temsîlkarê sazgehanê komelkî amade bîyê.
Dayîkan bi sloganan darî ronayê
Ronayîşê daran bi pêşengîya Dayîkanê Aştî û bi sloganê “Ey Serok rojbûna te pîroz be” dest pêkerd. Dayîkan demo ke darî ronayêne, seba Abdullah Ocalanî deyîrê xoverdayîşî û kilamê Kurdkî vatê. Coşê dayîkan rengê xo da pêroyê parkê.
Govende reyde çalakî qedîyaye
Dimayê ronayîşê daran, beşdaran pîya govende girewte. Çalakî mîyanê atmosferêkê pîrozkerdişî de, bi deyîr û sloganan qedîyaye.
