Kekê Mehmet Çevîren ê ku hate îdiakirin ku li girtîgehê xwe kuştiye, Welat Çevîren diyar kir ku birayê wî du roj berê cil jê xwestiye û got, “Bêbextiyê lê dikin. Ger wî bixwesta xwe bikuje, cil nedixwest.”
Mehmet Çevîren (42), bavê sê zarokan ku di sala 2016an de li navçeya Dêrikê ya Mêrdînê hatibû girtin, cezayê muebetê ya girankirî lê hatibû birîn, hate îdiakirin ku li Girtîgeha Girtî ya Ewlehiya Bilind a Qubînê xwe kuştiye. Kekê Çevîren, Welat Çevîren bertek nîşanî îdiaya xwekuştinê da.
Çevîren ji ber mirina birayê xwe sersaxî ji gelê Kurd û girtiyên di girtîgehê de ne xwest û xemgîniya xwe anî ziman. Çevîren ev tişt anî ziman: “Lê em neketin. Ez kekê wî me. Mirin ne dûrî me ye, lê azadî jî ne dûr e. Birayê min şehîd e. 7 salan di hucreya yekkesî de ma. Bêbextiyê lê dikin, dibêjin ‘xwe kuştiye.’ Şert û mercûn ku di hucreya yekkesî de xwe bikuje tune ne. Ez du roj berê li cem wî bûm. Min cil û berg ji wî re birin, wî xwestibûn. Ger bixwesta xwe bikuje, van tiştan nedixwest. Ev guman in.”
Çevîren anî ziman ku dewlet ji jiyana girtiyan berpirsyar e û got, “Birayê min li zindanê qet li ber wan serê netewand. Em ê wî biserbilindî veşêrin.”
DÊ SIBÊ BÊ VEŞARTIN
Cenazeyê Çevîren piştî kar û barên otopsiya li Nexweşxaneya Perwerde û Lêkolînê ya Êlihê şandin Dêrikê. Hat hînbûn ku cenazeyê Çevîren dê sibê were veşartin.
