Di navbera Hêzên Sûriyeya Demokratîk (HSD) û Hikûmeta Demkî ya Sûriyeyê de amadekariyên ji bo qonaxeke nû ya pevguhertina dîlgirtiyan dest pê kirin.
Li gorî agahiyên Ajansa Hawarê amadekariyên koma çaremîn a pevguhertina dîlgirtiyan a di navbera HSD û Hikumeta Demkî ya Sûriyeyê de dewam dikin. Hat ragihandin ku ev qonaxa çaremîn dê vê hefteya pêk were û di vê komê de nêzî 200 girtî cih digirin.
Heta niha sê kom hatin pevguhertin
Hêjayî bibîrxistinê ye ku qonaxa yekemîn a pevguhertina girtiyan di 10ê Adara 2026an de pêk hatibû û 100 kesên ji aliyê Hikumeta Demkî ve hatibûn girtin li hemberî 100 kesên di destê HSDê de ne, hatibûn berdan. Qonaxa duyemîn di 19ê Adara 2026an de bi pevguhertina 300 kesên ji her du aliyan pêk hatibû. Di qonaxa sêyemîn de jî ku di 11ê Nîsana 2026an de pêk hat, 400 girtî bi hev hatibûn guhertin û serbest hatibûn berdan.
