KESK û rêxistinên sendîkayan li ber Wezareta Dadê ji bo berdana girtiyên di operesyona li dijî ESPê hatin girtin de li ber Wezareta Dadê daxuyanî dan û xwestin demildest girtiyên siyasî werin berdan.
Konfederasyona Sendikayên Kedkarên Giştî (KESK), ji bo berdana serokên sendîkayan, rojnameger, siyasetmedar, aktivîst û ekolojîstên ku di operasyona 3yê Sibatê ya li dijî Partiya Sosyalîst a Bindestan (ESP)ê de hatibûn girtin li ber Wezareta Dadê daxuyanî da. Endam û nûnerên rêxistinen sendîkayan tevlî daxuyaniyê bûn. Di daxuyaniyê de pankarta li ser “Edelata dereng mayî ne edalet e, divê hevalên me tavilê bên berdan, Edalet hema, niha” dinivîsî, hat rakirin. Girse dirûşmên “Bin çavkirin û zexm nikarin me biqûtifinin” û “Bijî berxwedana me ya rêxistinkirî” berz kir.
Daxuayanî ji aliyê Hevseroka KEKSê Ayfer Koçak ve hat xwendin.
‘Dijî muxalefetê zext û zordarî didomin’
Ayfer Koçak diyar kir ku dijî muxalefetê zext û zordarî didomin û wiha got: “Di 10ê Sibata 2026an de Hevserokê ESPê Murat Çepnî jî tê de gelek siyasetmedar, sendîkavan, rojnameger, aktîvîstên demeokratîk ên girseyî jî di nav de gelek kes hatin girtin. Bi tevahî 85 kes hatin girtin û he jî 82 kes girtigehên cûr be cûr de tên ragirtin. Li ser 4 meh derbas bûye lê hê îdîaname diyar nekirine. Yên tên tewankirin nizanin ji ber çi tên tewangkirin. Daneyên şênber tune nin. Ew tişt bi hiquûq û mafên ve nayê pênasekirin. Em zanîn ku ev êrişên li ser hêzên demokratîk tên meşandin ji ber sedema mafê rêxistinkirinê, civîn û pêşendanê û piştgiriya kedkaran neyê bi cihanîn, tên meşandin.”
‘Li Tirkiyê ye rewşa şert û mercên kedkaran xirab e’
Ayfer Koçak bi lêv kir ku deshilat li dijî kedkar û hêzên demokratîk e, rewabûna wê nemaye û ev tişt anî ziman: “Mafên me yên di bin temînata makazagoniyê jî tê astengkirin. Em îro ne bi tenê ji bo hevalên xwe ji bo hemû mafên me ye azadî yên bingehîn in, biparezin li vir in. Rapora Konfederasyona Sendikayên Navnetewî (ITUC) jî diyar dike ku Tirkiyeyê di nav 10 welatên ku şert û mercên xebatkaran û mafên xwe rêxistinkirinê herî xirab de ye. Ew rewş ne awart e ye ji bo Tirkiyeyê cihê ku rojnameger tên bêdengkirin, siyasetmedan tên girtin e. Erîşên ji aliyê desthilatdariyê tên meşandin didomin. Ew kirinên desthilatdarî dikin diyarkirina otoriterbûyîna rejîmê ye.”
‘Em ê têkoşîna xwe ya aştî û demokrasiyê bidomînin’
Ayfer Koçak bi bîr xist ku ew zext û zordariyê natirsin û wiha bi dawî axaftina xwe anî: “Girtigeh bi heqiqetê nikare veşêre û nikare têkoşîna bi rêxistinkiri teslîm jî bigire. Em paşde gav navêjin. Em ê bikaranîna mafên xwe yê sendîkal dest bernadin. Em ê têkoşîna xwe ya aştî û demokrasiyê bidomînin. Em dest bi gotina fikrên xwe û xwe rêxistinkirinê bernadin. Em li ber Wezareta Edaletê bang dikin ku ew pêvajoya bê hiqûqî bila dawî bibe. Divê hevalên me tavilê bên berdan. Heta hevalên me neyên berdan û edalet pêk neyê em dest bi têkoşîna xwe bernadin.”
Daxuyanî bi çepik û dirûşmeyan bidawî bû.
