Navenda Nûçeyan – Li Amed, Wan, Dêrsim û Stenbolê bi tevlibûna deh hezaran pîrozbahiyên mitîngên 1ê Gulanê dest pê kirin.
1ê Gulanê, li seranserê cîhanê wekî Roja Yekîtî, Piştevanî û Têkoşîna Karkeran tê pîrozkirin. Mitîngên 1ê Gulanê li Amed û Stenbolê bi tevlibûna deh hezaran kerker û welatiyan dest pê kirin.
Amed
Di pêşengtiya KESK, DÎSK, TMMOB, TTB û Platforma Saziyên Demokratîk a Amedê bi boneya 1ê Gulanê Roja Karker û Kedkaran a Cîhanê li Qada Îstasyonê ya Amedê mitîng tê li dar xistin. Beriya mitîngê endam û rêveberên saziyên pîşeyî, saziyên sivîl ên civakî û partiyên siyasî di nav de bi hezaran kes li Xaçerêya Semta Ofîsê ya navçeya Yenîşehîr a Amedê kom bûn bi meşê ber bi qada mitîngê ve herikîn.
Girseya ku di meşê de pankartên “Kesên ku pêşeroja xwe bi kedê ava dikin ew ê biserkevin”, “Çapemeniya azad civaka demokratîk”, “Li ser şopa heqîqetê bi keda Rojê em ê kapîtalîzmê hilweşînin, civaka komînal ava bikin”, “Keda me mafê me ye”, “Di Sosyalîzme de israr mirovbûyîne de israr e”, “Li hemberî kedxwariyê jiyanek e komînal” hilgirtin dirûşmên “Bijî yekê Gulanê” û “Bijî berxwedana karkeran” berz kir û dowîzên “Keda me mafê me ye” , “Bijî 1 Gulan”, “Di Sosyalîzme de israr mirovbûyîne de israr e”, “Li hemberî kedxwariyê jiyanek e komînal” hilgirtin.
Mitînga ku bi rêzgirtina ji bo cangoriyên azadî û demokrasiyê dest pê kir bi axaftinan didome.
Wan
Li Wanê jî bi pêşengtiya Platforma Ked û Demokrasiyê, bi dirûşma “Em ji bo ked, edalet, wekhevî, aştî û demokrasiyê li qadan e” li qada bajar mitîng tê lidarxistin. Bi hezaran kesên beriya mitîngê kom bûn, bi kortejan meş li dar xist. Mitîng, bi gerandina govendê dest pê kir. Tê payîn ku Hevseroka Giştî ya DEM Partiyê Tulay Hatîmogûllari dê di mitîngê de axaftinekê bike.
Dêrsim
Li Dêrsimê jî pîrozbahiyên 1ê Gulanê bi coşekemezin dest pê kirin. Sendîka, rêxistinên civaka sivîl, partiyên siyasî û gelek kesên li Kolana Hunerê kom bûn, ber bi Qada Seyîd Riza ve meş li dar xistin. Di meşê de gelek caran dirûşmên “Em karker in, mafdar in, dê bi ser kevin”, “Roj dê were dewran dê biguhere AKP dê hesabê bide gel” û “Bijî 1’ê Gulanê” hatin berzkirin.
Bi dawîbûna meşê re dê li Qada Seyîd Riza mitîng were lidarxistin.
Stenbol
Li Stenbolê jî bi pêşengiya Konfederasyona Sendîkayên Kedkarên Cemaweriyê (KESK), Konfederasyona Sendîkayên Karkerên Şoreşger (DÎSK), Yekîtiya Bijîşkên Tirk (TTB) û Yekîtiya Odeyên Endezyar û Avahîsazan a Tirk (TMMOB) 1ê Gulanê bi dirûşma “Ji bo mafê kedê, edalet, aştî û demokrasiyê bibin yek û biguherînin” li Îskeleya Kadikoyê tê pîrozkirin.
Pîrozbahiyên li Stenbolê dest pê kirin.
