Şaredariya Bajarê Mezin a Amedê, ji bo ku welatî bikaribin bi bihayê guncav xwe bigihînin nan, dest bi sazkirina bufeyên “Nanê Gel” kir.
Xebatên avakirina bufeyên “Nanê Gel” a ku ji aliyê Serokatiya Daîreya Karên Fenê ve li Taxa Bagcilar a navçeya Rezanê tê birêvebirin, ber bi dawiyê ve diçin. Dê li 43 cihên bajêr sazkirin û montaja bufeyên “Nanê Gel” dest pê kir. Tesîs bi makineyên otomatîk û teknolojiya herî dawî hat xemilandin û pîvanên hîjyenê di asta herî jor de hatin girtin.
Di rojê de dê 100 hezar nan were hilberandin
Kargeha “Nanê Gel” a ku li ser qadeke girtî ya 4 hezar û 500 metrekare hat avakirin, dema dest bi fealiyetê bike di gava yekem de dê di rojê de 40 hezar nan hilberîne. Tê armanckirin ku di pêvajoya pêş de ev kapasîte bigihîje 100 hezar nanî. Bi vê kapasîteya xwe ev tesîs dê bibe yek ji navendên giring ên hilberînê yên Amedê.
Nan dê bi bihayê guncav bigihîje ber destê welatiyan
Nanê ku di tesîsê de tê hilberandin, di serî de ji bo welatiyên ku dahata wan kêm e û ji bo hemû gelê Amedê bi bihayê herî guncav bê pêşkêşkirin. Belavkirina nanan dê li bufeyên “Nanê Gel” ku li çar aliyên bajêr tên sazkirin bê kirin.
Dê bibe fersenda kar ji bo 100 kesî
Bi destpêkirina xebata vê tesîsa modern re, dê ji bo nêzîkî 100 kesî derfeta îstîhdamê çêbibe. Tê payîn ku tevî personelên ku dê di bufeyên “Nanê Gel” de bixebitin re ev hejmar hîn bêtir bibe.
Li 43 cihên bajêr bufe tên danîn
Di vê çarçoveyê de li navçeyên Sûr, Bajarê Nû, Peyas û Rezanê li 43 xalên diyarkirî bufeyên “Nanê Gel” tên danîn.
Li cihên ku bufe lê bên danîn ev in:
Sûr: Deriyê Rihayê, Qada Şêx Seîd (Deriyê Çiyê), Balikçilarbaşi, Gundê Kabê, Palûkê û Tilelo
Bajarê Nû: TOKÎ Uçkûyû 1, Taxa Fabrîkayê, Sanayiya Organîze (Taxa Al), Taxa Çelîk Evler, 450 Evler, Toplû Konût Seyrantepe, Taxa Cumhuriyetê (Seyrantepe), derdora Kolana Hunerê, derdora Saziya Goşt û Masî ya li Taxa Şehîtlikê an jî Parka Kirmizi, kêleka Stada Kevin û Ben û Sen.
Peyas: 500 Evler, rawestgeha Çeşmeyê ya Gazîlerê, Mizgefta Bedîûzzaman a Dîclekentê, li hemberî Zarokîstanê, Taxa Hûzûrevlerî, rawestgeha dawî ya Hûzûrevleriyê, ketina Otogara Navçeyê, Peyas Yenîyol, xaçerêya piştî Wînstonê, Kolana Tekelê û Bazara Hanîmellerê.
Rezan: Oglakli 1, Oglakli 2, Oglakli 3, Oglakli 4, derdora Nînovayê, derdora Kûrûçeşmeyê, kêleka Lîseya Ataturk a Kevin (li hemberî Petrola Oryilê), kêleka îstasyona benzînê ya li pişt TMOyê, quncikê mizgeftê yê li pişt Goristana Alîpinarê Korxet, Baglar Dortyol-Nexweşxane, derdora Parka Sari, nîvê Kolana Sakaryayê (li pişt Lokantaya Ozlemê), quncikê jor ê Zindana Amedê, ser rêya ku ji DÎSKÎyê diçe Hala Nû, pişt Salona Dawetê ya Zana û derdora Kolana Aram Tîgran.
