Hezex de xeylî kesî zîyaretê şînê Fermandarê YBŞ’yî Emîn Kartal kerd û şîn de mesajê sozê girêdayene yê cangorîyê azadî ameyê dayene Emîn Kartal 15ê gulane de Şengal de cuya xo ra bîbî.
Qezaya Hezexa Şirnexî de pêşengîya MEBYA-DER’î ê Şirnexî zîyaretê şînê Fermandarê YBŞ’yî Emîn Kartal (Kawa Şengalî) ame kerdene. Parlamenterê DEM Partî ê Şirnexî Mehmet Zekî Îrmez, endamê partî û sazgehanî komelkî û xeylî welatijî vernîya awanîya DEM Partî de kom bîyî û ver bi Keyeyê Şînî ê Taxa Atakentî rayîrşîyayîş viraşt.
Rayîrşîyayîş de sloganê “Şehîdî nêmirenê” ame eştene. Badê resayîşê keyeyê şînî, seba cangorîyanê azadîye deqayêke rêzgirewtiş ame kerdene.
Badê rêzgirewtişî Rayberê MEBYA-DER’î Xanê Karavîs serweşîye keyeyê Emîn Kartal û şarê kurdî waşt û vat ke ê do her wext şopdarê rêçê cangorîyan bê.
Parlamenterê DEM Partî Mehmet Zekî Îrmez dîyar kerd ke bi saya têkoşînê cangorîyanê Kurdîstanî şarê kurdî resayo na roje û bale ante prosesê Aştî û Komelo Demokratîk û vat ke no proses bi kedê qehremananê Kurdîstanî do bi reso amancê xo. Mehmet Zekî Îrmez îfade kerd ke ê do her wext têkoşîn û xeyelanê înan gandar verdê.
Maya Emîn Kartal, Sitî Kartal zî vat ke lajê aye şehîdê heme Kurdîstanî yo û wa serê şarî kurdî weş bo.
Zîyaretê şînî badê duayan qedîya.
