Di serdegirtinên malan ên li Manîsayê de 18 kes hatin binçavkirin.
Polîsan li navçeya Salîhlî ya Manîsayê bi awayekî hemwext bi ser gelek malan de girtin. Piştî lêgerînên li malan, namzetê şaredariyê yê Partiya Wekhevî û Demokrasiyê ya Gelan (DEM Partî) Cevdet Yildiz jî di nav de 18 kes hatin binçavkirin.
Hat zanîn ku welatî bi hinceta pîrozbahiya Newroza par, bi îdiaya “propagandaya rêxistinê kirin e” hatine binçavkirin.
Ji bo wergirtina îfadeyên binçavkiriyan wan birin Midûriyeta Polîsan a Salîhliyê.
