Li deverên cuda yên Sûriyeyê di 24 saetên dawîn de 13 kes hatin kuştin.
Li Sûriyeyê kiryarên tundî, kuştin, tevlihevî û bêaramiyê dewam dikin. Di 24 saetên dawîn de zarok jî di nav de, 13 kes hatin kuştin. Li gundê Şelûh ê li rojavayê bajarê Humisê kesekî ku winda bûbû, kuştî hat dîtin. Li gundê Qeysa yê Xûta ya Rojhilat a gundewarên Şamê kesek bi guleyan ji aliyê endamên desthilata Şamê ve hat kuştin. Li bajarokê Xeranîc ê gundewarên rojhilatê Dêrazorê jî yek jê zarok, 2 kes di pîrozbahiya dawetê de ji bo teqandina fîşekan bi şaşî hatin kuştin. Hate diyarkirin ku li gundê Mencokê yê rojavayê bajarê Girê Spî yê dagirkirî mêrekî ku nexweşiyên wî yên derûnî hebûn, kurekî xwe kuşt. Li gorî agahiyên ku çavkaniyên xwecih parve kirine, ji ber teqîna mayinên ji bermahiyên şer kesek li gundê Qewas ê rojhilatê bajarê Minbicê, 3 kes li herêma Tiwênan ê bejahiya Suxne yê li rojhilatê Humsê, kesekî din li herêma Retîmî yê Bûkemal a li rojhilatê Dêrazorê û zarokek li bajarokê Xerîta yê li rojavayê Dêrazorê hatin kuştin. Li gorî SOHR’ê, li Humisê 2 kesên temenmezin bi îdiaya ku têkiliyên wan bi Hizbullaha Lubnanê re hene, ji aliyê endamên desthilata Şamê ve hatin kuştin.
