Navenda Nûçeyan – Hêzên Îsraîlê mûşokeke ku ji Yemenê hatibû avêtin, anîn xwar. Pişt re Îsraîlê navend û başûrê Xezayê bombebaran kir. Di êrîşê de 2 jê zarok 7 filistînî hatin kuştin.
Artêşa Îsraîlê ragihand ku hêzên wan mûşokeke ku ji Yemenê hatiye avêtin, li derveyî asîmanê Îsraîlê anî xwarê. Artêşa Îsraîlê piştî mûşok anîn xwarê navend û başûrê Xezayê bombebaran kir. Di êrîşê de 2 jê zarok 7 filistînî hatin kuştin û gelek kes jî birîndar bûn. Ajansa Nûçeyan û Ragihandinê ya Filistînê (WAFA) ku agahiyên xwe ji çavkaniyên bijîşkî wergirtine ev agahî dan: “Dagirkeran li derdora Bîr 19an a li başûrê rojavayê Mewasî Xan Yûnisê konek koçberan bombebaran kir. Di encama bombebaranê de 2 zarok şehîd bûn û hin jî birîndar bûn.”
Ajansê destnîşan kir ku di encama bombebarankirina kampa Şabûra ya li navenda bajarê Refahê de 4 welatî hatin kuştin. Danê sibê hêzên Îsraîlî, di dema serdegirtina çend malan de, li bajarê Salfit ê li bakurê Difa Rojava 5 filistînî destgîr kirin û li bajarokê El Muxîre yê bajarê Ramalayê jî çend xwendekarên dibistanê destgîr kirin.
