Hevberdevkê HDKê Alî Kenanoglu, der barê binçavkirina li dijî endam û rêveberên xwe anî ziman ku ev operasyon li dijî tevahiya civakên Tirkiyeyê pêk hatiye û got: “Li dijî van êrişan yekîtî gelek girîng e. Em ji bo xwe têkoşîna yekîtîya gelan dikin armanc.”
Serdozgeriya Komarê ya Stenbolê di 18ê Sibatê de li 10 bajaran li dijî Kongreya Demokratîk a Gelan (HDK) operasyon pêk anî. Polîsan di serdegirtina malan de herî kêm 54 kes binçav kirin. Gelek nunerên HDKê, rojnameger û hunermend hêj di bin çavan de ne û têkildarî dosyayê biryara veşartî dewam dike. Di 18ê Sibatê de Serdozgeriya Komarê ya Stenbolê, li dijî gelek endam û rêveberên HDKê kampanyayeke zêxtê da destpêkirin. Polîsan bi fermana Serdozgeriya Komarê ya Stenbolê bi ser sedan malan de girt û herî kêm 54 kes binçav kirin. Di nava kesên hatine binçavkirin de rojnamevan, hunermend û sendîkavan jî hene.
‘Operasyona li dijî HDKê li dijî yekîtiya gelan e’
Têkildarî operasyonê û binçavkirina endam û rêveberên Kongreya Demokratîk a Gelan (HDK), Hevberdevkê HDKê Alî Kenanoglû, ji Ajansa Welat re axivî û wiha got: “Her çend dozgerî di îfadeyên fermî de wekî operasyona li dijî HDKê bîne ziman jî, ev operasyon li dijî bingeha herî fireh a civakê pêk hatiye. Ev operasyon li dijî tevahiya civakê pêk hatiye. Operasyon û êrîş bi taybetî li dijî têkoşîna hevpar a hemû sazî, partî û rêxistinên û saziyên civakî yên ku li aliyê Rojava yê Tirkiyeyê ne, pêk hatiye. Ev operasyon li dijî yekîtî, piştevanî û hevkariya kesên ku li dijî îktîdarê demokratîkbûna Tirkiyeyê diparêzin, pêk hatiye. Di mijara demokratîkbûna Tirkiyeyê de û di mijara avakirina Komara Demokratîk de hemû saziyên ku têkoşîna hevpar dimeşîne kirine hedefa xwe. Ji ber vê yekê mirov nikare tenê wekî operasyona li dijî HDKê pêk hatiye bênase bike. Xuya dike ku ev operasyon li dijî girseyek mezin a muxalifên Tirkiyeyê pêk hatiye.”
‘HDK platforma têkoşîna hevpar e’
Alî Kenanoglu, anî ziman ku li Tirkiyeyê ji sedî 90 kesên muxalif , di kêliyeke dîrokê de bi HDKê re ketiye têkiliyê û wiha axivî: “Ji ber ku HDK rêxistina kesên sosyalîst, çepgir, jin, ciwan û têkoşerên ekolojiyê, elewî, misilman, xiristiyan, ermenî û suryaniyan, çerkez, êzidî û hemû bawerî û zimanên din, bûye platforma têkoşîna hevpar. Bûye sîwana hevpar a hemû rêxistin û saziyên muxalif a Tirkiyeyê. Li vir qala lîsteya 6 hezar kesan dikin. Lê bibêjin, 600 an jî 6 hezar an 60 hezar jî heye. Ji ber ku ev platforma kesên têkoşîna hevpar dide ye. Tu çiqas reqam bibêje jî pêkan e. Îro bi milyonan mirov beşdarî civînên HDKê bûne. Bi HDKê re ketine temasê. Bi awayekî temasa wan û HDKê bi hevre çêbûne. Yên ku li Tirkiyeyê muxalif e û neketine hundirê Tirkiyeyê tune ne. Ji ber vê yekê dixwazin rastiyê berovajî bikin. Bi vê yekê dixwazin li aliyê Rojavayê Tirkiyeyê têkoş3ina hevpar asteng bikin. Dixwazin têkoşîna hevpar a li dijî îktîdarê asten bikin û rawestînin.”
‘Ev operasyoneke siyasî ye’
Hevberdevkê HDKê Alî Kenanoglu, destnîşan kir ku aliyekî din ê vê operasyonê heye û wiha pêde çû: “Çend roj berê operasyon pêk hatibû. Me ew jî dît. Li vir Lihevhatina Bajar heye. Lihevkirina Bajar bi tifaqa DEM Partî û CHPê ava bûye. Lê dixwazin vê yekê li HDKê bar bikin. Lê her kes dizane ku ev qadeke siyasî ye. Yek ji hevparê me DEM partî ye. Bi awayekî pir xweş lihevkirina bajar hatiye avakirin û di hilbijartina herêmî de li Esenyûrtê bi ser ketiye. Ev tifaqa CHP û DEM partiyê gaveke rast e û bi îktîdarê daye windakirin. Ji ber ku Lihevkirina Bajar bi hikûmetê daye windakirin, hikûmet wê dike armanc. Dixwazin HDKê ji bo xwe bikin amûr.”
‘Hedefgirtina HDKê hedefgirtina aştiyê ye’
Alî Kenanoglu, da zanîn ku di mijara aştiyê de, bi taybetî piştî 1ê cotmehê û şûnde piştî Dewlet Bahçelî gavek pêş de avêt, HDK bi her awayî li ser panel û semîner û konferansan kar kiriye û Kampanyayên îmzeyan dayedestpêkirin û wiha pêde çû: “Li Tirkiyeyê 1 milyon îmze daye destpêkirin. Bi giştî armanc demokratîkbûna Tirkiyeê ye. Civakîbûna aştiyê ye. Dixwazin bi van xebatan li ser girîngî û wateya aştiyê rawestin. Armanc girtina HDKê tê wateya armancgirtina aştiyê ye. Îro dewleta ku bi Birêz Abdullah Ocalan re hevdîtinan dike, divê spasiyên xwe ji HDKê bike. Ji ber ku HDK karê dewletê hêsan dike. Rêya çareseriyê li pêş HDKê vedike. HDK hemû beşên civakê yên ji hev dûr ketine wan dîsa tîne cem hev. Dixwaze wate û girîngiya aştiyê ji hemû beşên civakê re bibêje. Îro berovajîkirina rastiya HDKê, berovajîkirina rastiyan e. Armancgirtina HDKê, hedefgirtina aştiyê ye. Di 3-4 mehên dawî de me çi kiriye an jî çi nekiriye hemû kar û xebatên me li holê ne. Hemû xebatên me li ser aştiyê ne.”
Alî Kenanoglu herî dawî li dijî van êrîşan yekîtî gelek girîng e û wiha bi dawî kir: “Ya esasî ji bo xwe dikin armanc yekîtiya têkoşîna gelan e. Eger armanc demokratîkbûn, têkoşîna hevpar be, wê demê divê mirov bêtir vê tifaqê û yekîtiyê mezin bike. Divê mirov li dijî binçavkirin, girtinan bêtir baldar be. Em ê aştî û jiyana hevpar her tim biparêzin û vê yekê berdewam bikin. Divê mirov têkoşîn û aştiya hevpar mezin bikin. Ji niha û şûnde divê mirov vê yekîtî û têkoşîna hevpar mezin bike.”
