Agirî – Komek siyasetmedar û welatî li navçeya Bazîdê ji Qesra Îshak Paşayê heta tirba Ehmedê Xanî meşa meşaleyî ya Newrozê li dar xistin û Newroz pîroz kirin.
Newroza îsal bi şiyara “Rêbertiya Azad, Civaka Demokratîk” tê pîrozkirin. Yek ji van navendên ku dê Newroz bê pîrozkirin jî warê Ehmedê Xanî navçeya Bazîdê ya Agiriyê ye. Duh bi şev parlamenterê DEM Partiyê yê Agiriyê Sirri Sakik, rêveberên DBPê, DEM Partiyê, aktîvîstên TJAyê û gelek welatî li Qesra Îshak Paşa kom bûn û meşek maşeleyî li dar xistin û Newroz pîroz kirin.
Ji Qesra Îshak Paşa heta Tirba Ehmedê Xanî pîrozbahî
Meşa meşaleyî ku ji Qesra Îshak Paşa dest pê kir, li ber tirbeya wêjevanê Kurd Ehmedê Xanî bi dawî bû. Hemû kesî li vir meşaleyên xwe da hev û agirê Newrozê pêxistin. Paşê siyasetmedar û welatiyan li ber def û zirnê govend gerandin. Welatiyan bênavber dirûşma “Newroz pîroz be” berz kirin.
Pîrozbahî bi gerandina govendê û kêfxweşî bi dawî bû.
